Chakruok 42:19 - MUMA MALER 2015

¹⁹ Ka un ji makare adier, to ara weuru owadu achiel e od twech ka, mondo uter cham muserundogi ni joodu ma koro kech nego.

Motingʼo Loko Manyien

¹⁹ Ka un joma kare, weuru achiel kuomu odongʼ ka, to joma odongʼ to odhiyo kendo oter cham ne joodu makoro chandore ka.

Chakruok 42:19 ပူးပေါင်းရင်းမြစ်များ

Chakruok 40:3

mi notweyogi e od jaduong’ askeche, kama bende noyudo otueye Josef.

Chakruok 41:56

Kech koro nokwako piny Misri, omiyo Josef noyawo dere duto, mong’iewo cham gi jo-Misri, nimar kech ne lich ahinya.

Chakruok 42:11

Waduto wan yawuot ng’at achiel, kendo ok wan jombetre, to wan mana joma kare.”

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

Chakruok 42:20

Eka ukel owadu machogo ira, mondo ang’e ni kara usebedo kuwachona adier, mi ok nonegu.”

Chakruok 42:26

Eka ne giketo cham e ng’e kenjegi, mi gia.

Chakruok 42:33

To ng’atno nodwokowa niya, ‘Abiro ng’eyo ka un joma kare mana kuweyo ng’at achiel kuomu odong’ koda ka, to jomoko okawo cham motero ni joodu ma koro kech nego,

Chakruok 45:23

To bende nooro ni wuon mare gik mabeyoe moloyo ma kenje apar oting’o, kod cham gi makati, kaachiel gi chiemo moko ma bende kenje apar mamoko oting’o, ma wuon ne dhi chamo e wuoth.

Isaya 42:22

To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Isaya 42:7

mondo iyaw wenge muofni kendo igol joma otue e mudho kuma gidakie.

Jeremia 37:15

Kane jodongogo oneno Jeremia, ne gikecho kode ahinya, mi gigolo chik mondo ochwade, kendo olorne e od Jonathan ma jang’ad ni ruoth rieko. (Od Jonathanno ne koro olok od tuech.)