Chakruok 42:18 - MUMA MALER 2015

¹⁸ Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

Motingʼo Loko Manyien

¹⁸ Odiechiengʼ mar adek, Josef nowachonegi niya, “Timuru ma mondo mi udagi, nikech aluoro Nyasaye:

Chakruok 42:18 ပူးပေါင်းရင်းမြစ်များ

Chakruok 20:11

Ibrahim nodwoke niya, “Naparo ni onge joma oluoro Nyasaye e pinyni, omiyo nagalo ni ginyalo nega mondo gikaw chiega.

Chakruok 39:9

Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

Chakruok 42:19

Ka un ji makare adier, to ara weuru owadu achiel e od twech ka, mondo uter cham muserundogi ni joodu ma koro kech nego.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Wuok 1:17

To jocholo noluoro Nyasaye, omiyo ne gichayo chik ruoth, mi ne ok ginego nyithindo machwo.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Tim jo-Lawi 25:17

Kik ng’ato kuomu wuond wadgi, to mondo uluor Nyasachu, nikech an e Ruoth Nyasaye ma Nyasachu.

Tim jo-Lawi 25:43

Kik isand ja-Israel waduno, to nyaka iluor Nyasachu.

Luka 18:2

Nowachonigi niya, “Jang’ad bura moro ma ok oluoro Nyasaye, kendo ma ok odewo ji, ne odak e dala moro.

Luka 18:4

Kuom kinde mang’eny jang’ad burano notamore winjo wachne, to bang’e achien nowacho e chunye niya, ‘Kata obedo ni ok aluoro Nyasaye, kendo ok adew ji kamano,