Chakruok 42:13 - MUMA MALER 2015

¹³ Eka ne giwachone niya, “Ruoth, wan owete apar gariyo ma yawuot ng’at achiel e piny Kanaan. Owadwa ma chogo odong’ gi wuonwa dala, to owadwa moro nolal.”

Motingʼo Loko Manyien

¹³ To negiwacho niya, “Ruoth, jotichni ne yawuowi apar gariyo, yawuot ngʼat achiel, wadak e piny Kanaan. Owadwa ma chogo nyo odongʼ gi wuonwa, to achiel to ne olal.”

Chakruok 42:13 ပူးပေါင်းရင်းမြစ်များ

Chakruok 37:30

Nodok ir owetene, mopenjogi niya, “Nyathi cha onge kacha! Koro anyalo timo ang’o?”

Chakruok 42:11

Waduto wan yawuot ng’at achiel, kendo ok wan jombetre, to wan mana joma kare.”

Chakruok 42:12

Josef nodwokogi ni, “Ngang’! Usebiro mana ni mondo ucheng ane kama pinywa nyapgo.”

Chakruok 42:14

Josef nodwokogi niya, “En mana kaka awachonu ni un jombetre,

Chakruok 42:32

Bende ne wanyise ni wan owete apar gariyo ma yawuot ng’at achiel, to achiel noselal, kendo owadwa machogo odong’ dala Kanaan gi wuonwa.

Chakruok 42:36

Jakobo wuon-gi nowachonigi niya, “Usemaya nyithinda! Josef nolal, kendo Simeon bende koro oselal, to koro eka pod udwaro kawo Benjamin! To an ema ayudo chandruok!”

Chakruok 42:38

To Jakobo nodwoke niya, “Wuoda ok nyal dhi kodu, nimar owadgi mahie osetho, kendo en kende ema koro odong’. Dipo ka otho e yo, mi mano dikelna kuyo ma nyalo nega, nikech aseti ahinya.”

Chakruok 43:29

Kane Josef oneno Benjamin ma owadgi mahie, nopenjogi niya, “Ma e owadu machogo mane uwachona?” Mi nowacho ni Benjamin niya, “Nyasaye mondo oguedhi, wuoda.”

Chakruok 43:7

Ne gidwoke niya, “Nopenjowa matek weche ma kuomwa kod ma kuom joodwa, kowacho niya, ‘Wuonu pod ngima? Donge un gi owadu moro?’ Omiyo nyaka ne waduok penjonego. To ne ok wang’eyo ni onyalo wachonwa mondo water owadwa ire.”

Chakruok 44:20

mi ne wadwoki ni wan gi wuonwa ma tinde oti, kod owadwa matin monywolo koseti. To owadgi rawerano notho, kendo en kende e nyathi min mare modong’; omiyo wuon mare ohere ahinya.

Chakruok 44:28

Achiel kuomgi noselalna nono, kendo aparo ni adier ondiek osekidhe okidhe, nimar pok achako anene nyaka chil kawuono.

Chakruok 45:26

Ne giwachone niya, “Josef pod ngima! En e morito piny Misri duto!” Jakobo nobwok ahinya, kendo ne ok oyie ni wachgino en adier.

Jeremia 31:15

Ruoth Nyasaye wacho niya, “Dwol winjore e dala mar Rama, en nduru gi ywak malit, Rahel ywago nyithinde, kendo ok onyal hore nikech gisetho giduto.

Ywagruok 5:7

Kwerewa notimo richo mathoth, kendo koro gionge, to wan ema koro ikumowa nikech richogigo.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Mathayo 2:18

Nowacho niya, “Dwol ne owinjore e dala mar Rama, ne en nduru gi ywak malit. Rahel ema ne ywago nyithinde, kendo ne ok onyal hore, nikech ne gisetho giduto.”