Chakruok 41:43 - MUMA MALER 2015

⁴³ Nomiyo oidho gach ruoth mar ariyo, kendo joritne ne goyo koko e nyime, ka wacho niya, “Yawneuru e yo!” Kamano Josef noket ruodh Misri duto.

Motingʼo Loko Manyien

⁴³ Nomiyo oidho gach ruoth mar ariyo mar loch, kendo joritne nogoyo koko nyime kawacho niya, “Yawneuru e yo!” Kuom mano Josef noket jatend piny Misri duto.

Chakruok 41:43 ပူးပေါင်းရင်းမြစ်များ

Chakruok 41:42

Mi nogolo tere mar loch e lwete, moketo e lwet Josef. Nomiye lewni mag bafta mayom morwako, mi olierone thiwni mag dhahabu e ng’ute.

Chakruok 41:44

Farao nowachone niya, “An e ruoth, to onge ng’ato ma notim gimoro amora e Misri ma ok in ema iyiene.”

Chakruok 42:30

Ne giwachone niya, “Ruodh pinyno nowuoyo kodwa gi gero kowachonwa ni wan jombetre, modhi chengo pinyno.

Chakruok 42:33

To ng’atno nodwokowa niya, ‘Abiro ng’eyo ka un joma kare mana kuweyo ng’at achiel kuomu odong’ koda ka, to jomoko okawo cham motero ni joodu ma koro kech nego,

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

Chakruok 45:26

Ne giwachone niya, “Josef pod ngima! En e morito piny Misri duto!” Jakobo nobwok ahinya, kendo ne ok oyie ni wachgino en adier.

Chakruok 45:8

Omiyo un ok ema ne ukela ku, to Nyasaye ema nokela. Osemiya bedo gi duong’, mi achalo wuon Farao, nimar an e jatend pinye duto, kendo an e ruodh Misri mangima.”

Chakruok 50:18

Bang’e owetene nobiro ire giwegi, mi gigoyo chonggi piny e nyime, ka gikulore nyaka e lowo. Ne giwachone niya, “Eriwa e, wan wasumbi.”

Chakruok 50:9

Bende nodhi gi geche kod joidh farese. Ne en oganda maduong’ ahinya.

Daniel 2:48

Eka ne oketo Daniel e tich maduong’ mi omiye gik mabeyo mathoth. Nokete jaduong’ gweng’ Babulon, kendo nokete jatend jong’ad rieko duto e Babulon.

Tich Joote 7:10

mi ogole e chandruokne duto. Ne omiyo Farao ruodh Misri ogene nikech riekone, mi okete jatelo mar piny Misri kod jaduong’ ode duto.

Jo-Filipi 2:10

Kamano gik moko duto manie polo gi manie piny kod manie bwo piny mondo ogo chonggi piny, omi nying Yesu duong’,