Chakruok 41:42 - MUMA MALER 2015

⁴² Mi nogolo tere mar loch e lwete, moketo e lwet Josef. Nomiye lewni mag bafta mayom morwako, mi olierone thiwni mag dhahabu e ng’ute.

Motingʼo Loko Manyien

⁴² Eka Farao nogolo tere mar loch e lwete morwako e lwet Josef. Ne orwako ne Josef law mayom mar duongʼ miluongo ni bafta kendo orwako ne tigo mar dhahabu e ngʼute.

Chakruok 41:42 ပူးပေါင်းရင်းမြစ်များ

Chakruok 38:18

Juda nopenje gima odwaro mondo osingne, mi nodwoke niya, “Miya bonynino gi tonde kod ludhino.” Kamano nomiye gigo, moriwore kode, mi Tamar nomako ich.

Chakruok 41:43

Nomiyo oidho gach ruoth mar ariyo, kendo joritne ne goyo koko e nyime, ka wacho niya, “Yawneuru e yo!” Kamano Josef noket ruodh Misri duto.

Zaburi 73:6

Mano emomiyo girwakore gi sunga mana ka ng’ama orwako thiwni, kendo girwakore gi kwinyo mana ka ng’ama orwako kandhu.

Ngeche 1:9

nimar puonjgi biro loso kiti maber, mana kaka kondo kata thiwni miyo ng’ato nenore maber.

Ngeche 31:22

Ochueyo lewni mipedho e kitendni.

Ngeche 31:24

Dhakono bende loso lewni gi misibe mondo johala ong’iew.

Wer Mamit 1:10

Yie wiyi mokadi nenore maber koliero e lembi kendo e ng’uti mana ka tigo ma nengone tek.

Wer Mamit 4:9

Jaherana, ka wang’i orado gi mara, kata ka arango tigo ma iliero e ng’uti, to chunya rumo!

Isaya 3:23

gi kio matindo, gi nengni mabeyo, gi kilembni, kod lewni miumogo wang’.

Jeremia 52:33

Kuom mano Jehoyachin nolonyo lep tuech, kendo nochiemo e od ruoth ndalone duto.

Ezekiel 27:7

Tangani ne olos gi law maber mar Misri, mogorie kido mabeyo, kendo ne ginenore kata mana gi kuma bor. Tandarua miumigo nolos gi nanga maralik maber, mogol e chula mar Saipras.

Daniel 5:16

To asewinjo humbi ni inyalo fwenyo gik mopondo, kendo inyalo elo tiend midhierni. Omiyo, ka inyalo somo ndikono, mi ilokna tiende, to norwakni law ruoth maralik, gi thiwni mar dhahabu mar duong’ e ng’uti, kendo inibed jalupna mar adek.”

Daniel 5:29

Kane Daniel otieko wuoyo, Belshazar nogolo chik, mi orwak ni Daniel law ruoth maralik, gi thiwni mar dhahabu mar duong’ e ng’ute. Eka nokete jalupne mar adek.

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

1 Samuel 18:4

Jonathan nolonyo nanga mane orwako, momiyo Daudi kaachiel gi liganglane gi atung’e kod okandane.