Chakruok 41:38 - MUMA MALER 2015

³⁸ mi nopenjogi niya, “Ere kuma wanyalo yudoe ng’at moro machielo, man gi Roho mar Nyasaye machal gi jali?”

Motingʼo Loko Manyien

³⁸ Kuom mano Farao nopenjo jodonge niya, “Bende wanyalo yudo ngʼato moro machal gi ngʼatni, ma Roho mar Nyasaye ni kuome?”

Chakruok 41:38 ပူးပေါင်းရင်းမြစ်များ

Chakruok 41:37

Farao gi jodonge ne mor gi wachno,

Ezra 7:25

“To in Ezra, kuom rieko ma Nyasachi osemiyi, yier jong’ad bura mondo oyal jogi duto man e piny man loka Yufrate, mong’eyo chik Nyasachi. To jogo ma ok ong’eyo chikego, to mondo upuonji.

Ayub 32:8

To nyaka ung’e ni muya mar Nyasaye Manyalo Gik Moko Duto ema miyo ji rieko, kobiro kuomgi.

Ngeche 14:35

Ruoth mor mana gi jatichne ma tiyo maber, to iye wang’ gi jatich ma utho tich.

Ngeche 22:29

Ng’at ma ong’eyo tije maber ok ti ni ji ajiya, to tiyo mana ni ruodhi.

Isaya 19:11

Mano kaka ufuwo, un jotelo mag Zoan. Adier, unyalo bedo jong’ad rieko mag Farao mabeyo moloyo. Omiyo ere kaka unyalo wacho ni Farao niya, “Wan yawuot joma riek ma nyikwa ruodhi machon”?

Daniel 4:18

Kane ruoth Nebukadnezar osehulo lekne kamano, nowacho niya, “Mano e gima ne aleko. Koro in Belteshazar, nyisa tiende nimar jong’adna rieko ok nyal lokona tiende. In to ang’eyo ni inyalo lokonago, nikech much nyiseche maler ni kuomi.”

Daniel 4:6

Mano omiyo nagolo chik mondo jong’adna rieko duto man Babulon okel ira olokna tiend lekno.

Daniel 5:11

Nitie ng’at moro e pinyi man gi much nyiseche maler. E ndalo loch ruoth Nebukadnezar kwaru, ng’atno ne nigi paro maber kod rieko mana ka rieko mag nyiseche, omiyo nokete jatend ajuoke duto.

Daniel 5:14

Asewinjo ni much nyiseche ni kuomi, kendo ni in ng’at mariek mong’eyo gik matut.

Daniel 6:3

Piyopiyo nono, Daniel ne nenore ni nyalo tiyo maber ahinya moloyo jotelo kod jodongo mamoko duto. Kuom mano, ruoth noparo mondo okete jatend pinye duto.

Daniel 6:4

Mano nomiyo jotelo mamoko kod jodongo otemo mondo ondhog Daniel e tichne mar rito piny. To ne ok ginyal yudo gimoro amora marach e tichne, nikech ne ne jaratiro maonge miganga.

Kwan 27:18

Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome,