Chakruok 41:32 - MUMA MALER 2015

³² Lek ma iseleko diriyono nyiso ratiro ni Nyasaye osechano mar timo kamano, kendo obiro timogo piyopiyo.

Motingʼo Loko Manyien

³² Gima omiyo lek nobiro ne Farao nyadiriyo en nikech Nyasaye osechano ratiro mar timo kamano. Kendo Nyasaye biro chope mapiyo.

Chakruok 41:32 ပူးပေါင်းရင်းမြစ်များ

Chakruok 37:7

Naleko ni wan e puodho waduto kwatueyo ngano, mi wich mane atueyo noa malo mochung’ tir. Eka wiyeu nolworo wiyano mokulorene.”

Chakruok 37:9

Bang’e Josef nochako oleko lek machielo, mowacho ni owetene niya, “Nende aleko lek moro ni aneno wang’ chieng’ gi due kod sulue apar gachiel ka kulorena.”

Chakruok 41:25

Josef nowacho ni Farao niya, “Leknigo tiendgi achiel. Nyasaye osenyisi gima obiro timo.

Chakruok 41:28

En mana kaka awachoni ni Nyasaye osenyisi gima obiro timo.

Chakruok 41:31

Ji ok nopar higni abiriyo mag yieng’ogo, nikech kech maluweno nobed mager miwuoro.

Isaya 30:33

To mach miwang’oe ringre joma otho ne oseik chon mondo owang’ie Molok, nyasach Asuria. Kendono duong’ ahinya, kendo odhurie yien mogundho. Much Ruoth Nyasaye ma chalo gi mach maliel ema biro moke.

Daniel 2:45

Ne ineno kaka kidi omukore kende ma onge ng’ama omule, kendo nineno kaka ne otuomo kido molos gi nyinyo gi mula gi lowo gi fedha kod dhahabu. Kamano Nyasaye Maduong’ nyisi gik mabiro timore e ndalo mabiro, kendo koro asenyisi ratiro gima nyocha ileko, bende asenyisi tiende.”

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mathayo 24:35

Polo gi piny norum. Wechena to ok norum ngang’.

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mariko 10:40

To yiero ng’ama onego bedi e bada korachwich kata koracham, to ok nie tekona. Nyasaye ema nochiw kuondego ni joma oseiknigi.”

1 Jo-Korintho 2:9

To riekono koro osefwenyore, mana kaka Muma wacho niya, “Gik ma wang’ pok oneno, kendo ma it pok owinjo, bende mapok odonjo e chuny dhano, e gik ma Nyasaye oiko ni joma ohere.”

2 Jo-Korintho 13:1

Koro abiro iru e limbena mar adek. Muma wacho ni weche duto nyaka ng’ere e nyim joneno adek kata ariyo.

Fweny 9:15

Omiyo ne ogony malaika ang’wen mane oseiki ni sano gi odiechieng’no gi dueno kod higano, mondo oneg achiel kuom adek mar ji duto.