Chakruok 41:25 - MUMA MALER 2015

²⁵ Josef nowacho ni Farao niya, “Leknigo tiendgi achiel. Nyasaye osenyisi gima obiro timo.

Motingʼo Loko Manyien

²⁵ Eka Josef nowacho ne Farao niya, “Leknigo tiendgi achiel kendo gichalre. Nyasaye osenyiso gima oikore timo.

Chakruok 41:25 ပူးပေါင်းရင်းမြစ်များ

Chakruok 40:8

Ne gidwoke ni, “Waduto nende waleko lek mopogore opogore, to onge ng’ama nyalo lokonwa tiendgi.” Josef nowachonigi niya, “Donge teko mar loko lek a mana kuom Nyasaye? Emomiyo yieuru unyisa lekugo.”

Chakruok 41:16

To Josef nodwoke niya, “Ngang’! An ok anyal to Nyasaye biro dwoki maber.”

Chakruok 41:26

Dhok abiriyo machwego gin higni abiriyo, kendo wiye ngano abiriyo machwego bende gin higni abiriyo. Giduto ginyiso tiend wach achiel.

Chakruok 41:28

En mana kaka awachoni ni Nyasaye osenyisi gima obiro timo.

Chakruok 41:32

Lek ma iseleko diriyono nyiso ratiro ni Nyasaye osechano mar timo kamano, kendo obiro timogo piyopiyo.

Zaburi 98:2

Ruoth Nyasaye ne onyiso ji ni oselocho, mi ne omiyo ogendini ong’eyo ratiro kaka oreso ji.

Wuok 9:14

To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Isaya 43:9

Ogendini duto mondo ochokre kaachiel. Ere nyasachgi mane osekoroe gima kama, kata mosehuloe gimoro ka pok otimore? Weuru gikel joneno mondo onyis ane gik mane gitimo, mondo gilo bura, ka wachgi en adier.

Daniel 2:45

Ne ineno kaka kidi omukore kende ma onge ng’ama omule, kendo nineno kaka ne otuomo kido molos gi nyinyo gi mula gi lowo gi fedha kod dhahabu. Kamano Nyasaye Maduong’ nyisi gik mabiro timore e ndalo mabiro, kendo koro asenyisi ratiro gima nyocha ileko, bende asenyisi tiende.”

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Mathayo 24:40

E ndalogo, ji ariyo nobed katiyo e puodho: achiel nokaw, to machielo nowe.

Mariko 13:23

Omiyo beduru motang’, nikech asenyisou weche duto chon.

Jo-Efeso 1:17

ka akwayo Wuoro ma wuon duong’ duto, kendo ma Nyasach Ruodhwa Yesu Kristo, mondo omiu Roho makelonu rieko kendo fwenyonu gik moko mondo ung’eye.

Joshua 11:6

Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”