Chakruok 41:15 - MUMA MALER 2015

¹⁵ Farao nowachone niya, “Nende aleko lek, to onge ng’ama nyalo lokona tiende. Osewachna ni inyalo loko tiend lek moro amora.”

Motingʼo Loko Manyien

¹⁵ Farao nowacho ne Josef niya, “Nende aleko lek, kendo onge ngʼama nyalo loko tiende. To asewinjo ka iwacho ni ka iwinjo lek to inyalo loko tiend lek moro amora.”

Chakruok 41:15 ပူးပေါင်းရင်းမြစ်များ

Chakruok 40:8

Ne gidwoke ni, “Waduto nende waleko lek mopogore opogore, to onge ng’ama nyalo lokonwa tiendgi.” Josef nowachonigi niya, “Donge teko mar loko lek a mana kuom Nyasaye? Emomiyo yieuru unyisa lekugo.”

Chakruok 41:8

Kinyne gokinyi chunye nochandore ahinya, omiyo noluongo ajuoke kod joma riek duto manie piny Misri. Nonyisogi lekne, to onge ng’ama ne nyalo lokone tiendgi.

2 Weche mag Ndalo 26:5

Noketo chunye kuom luwo Nyasaye e ndalo Zekaria, jal mane opuonje luoro Nyasaye, kendo ndalo duto mane oluwoe Ruoth Nyasaye, noyudo gueth.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Daniel 2:3

nowachonigi niya, “Ne aleko lek machando chunya, ahinya, omiyo adwaro ng’eyo tiende.”

Daniel 4:18

Kane ruoth Nebukadnezar osehulo lekne kamano, nowacho niya, “Mano e gima ne aleko. Koro in Belteshazar, nyisa tiende nimar jong’adna rieko ok nyal lokona tiende. In to ang’eyo ni inyalo lokonago, nikech much nyiseche maler ni kuomi.”

Daniel 4:9

Ne awachone kama: Belteshazar, jatend ajuoke duto, ang’eyo ni much nyiseche maler ni kuomi, kendo ni ielo midhierni duto. Koro winji gima nende aleko, mondo ilokna tiende.

Daniel 5:12

Ng’atno iluongo ni Daniel, mane Nebukadnezar ochako ni Belteshazar. En gi nyalo mar adier kod rieko, bende olony e tiend midhierni. Omiyo or ng’ato oluongnigo, mondo onyisi tiend wachni.”

Daniel 5:14

Asewinjo ni much nyiseche ni kuomi, kendo ni in ng’at mariek mong’eyo gik matut.

Daniel 5:16

To asewinjo humbi ni inyalo fwenyo gik mopondo, kendo inyalo elo tiend midhierni. Omiyo, ka inyalo somo ndikono, mi ilokna tiende, to norwakni law ruoth maralik, gi thiwni mar dhahabu mar duong’ e ng’uti, kendo inibed jalupna mar adek.”