Chakruok 41:14 - MUMA MALER 2015

¹⁴ Kane Farao owinjo kamano, nooro wach mondo okelne Josef, mi ne gikele piyopiyo ka gigole e od twech. Noliedo, moloko lepe, eka nobiro ir Farao.

Motingʼo Loko Manyien

¹⁴ Kane Farao owinjo kamano nooro wach mondo okelne Josef, kendo nokel Josef mapiyo nono koa e od twech. Kane Josef oselielo yie wiye kendo oloko lepe, nobiro e nyim Farao.

Chakruok 41:14 ပူးပေါင်းရင်းမြစ်များ

2 Samuel 19:24

Mefibosheth nyakwar Saulo nobiro romo ni ruoth. To ne pok olwoko tiende, kata golo yie tike, kata mana lwoko lepe chakre chieng’ mane ruoth owuokie, nyaka chieng’ mane oduogoe koselocho.

2 Ruodhi 25:29

Kuom mano Jehoyachin nolonyo lep tuech, kendo nochiemo e od ruoth ndalone duto.

Wuok 10:16

Farao noluongo Musa gi Harun, mowachonigi niya, “Aseketho ni Ruoth Nyasaye ma Nyasachu, kendo ni un bende.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Daniel 2:25

Eka Ariok nokawo Daniel piyopiyo motero ir ruoth, mi owachone niya, “Ruoth, eri aseyudo ja-Juda moro manie tuech ka, manyalo nyisi tiend lekni.”