Chakruok 40:5 - MUMA MALER 2015

⁵ Bang’ bedo e od tuech kuom kinde moromo, jaduong’ jagam divai gi jaduong’ jated makati ne joleko lek. Nga’to ka ng’ato noleko lekne owuon, kendo lek ka lek ne nigi tiende.

Motingʼo Loko Manyien

⁵ moro ka moro kuom ji ariyogi mane gin jatend jogam divai kod jatend joted makati mar ruodh Misri mane oyudo otwe, noleko lek otienono moro ka moro, kendo lek ka lek ne nigi tiende mopogore gi machielo.

Chakruok 40:5 ပူးပေါင်းရင်းမြစ်များ

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 40:1

Bang’ ndalo moko, jaduong’ jogam divai mar Farao ruodh Misri, kod jated makati mare ne joketho ni ruodhgi.

Chakruok 40:4

Jaduong askeche noketo Josef mondo oti ni ji ariyogo.

Chakruok 40:6

Kane Josef obiro irgi gokinyi, noneno ka gikuyo,

Chakruok 40:8

Ne gidwoke ni, “Waduto nende waleko lek mopogore opogore, to onge ng’ama nyalo lokonwa tiendgi.” Josef nowachonigi niya, “Donge teko mar loko lek a mana kuom Nyasaye? Emomiyo yieuru unyisa lekugo.”

Chakruok 41:11

Eka chieng’ moro gotieno ne waleko lek waduto, kendo lek ka lek ne nigi tiende.

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 4:5

To chieng’ moro kane anindo, ne aleko lek mobwoga, mi aneno gik malich miwuoro.

Daniel 4:9

Ne awachone kama: Belteshazar, jatend ajuoke duto, ang’eyo ni much nyiseche maler ni kuomi, kendo ni ielo midhierni duto. Koro winji gima nende aleko, mondo ilokna tiende.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.