Chakruok 40:20 - MUMA MALER 2015

²⁰ Chieng’ mar adek nobedo chieng’ nywol Farao, mi noloso nyasi ni jotichne duto. Nogonyo jaduong jogam divai gi jaduong’ joted makati, moketogi e nyim jodonge.

Motingʼo Loko Manyien

²⁰ Koro odiechiengʼ mar adek ne en odiechieng rapar mar nywol Farao, kendo noloso nyasi ne jotije duto. Nogonyo jatend jogam divai kod jatend joted makati moketogi e nyim jodonge.

Chakruok 40:20 ပူးပေါင်းရင်းမြစ်များ

Chakruok 21:8

Nyathino nodongo, kendo chieng’ ma noweyoe dhoth, Ibrahim notimo nyasi maduong’.

Chakruok 40:13

to ka pok ndalo adekgo orumo, Farao biro gonyi, kendo dwoki e tiji, mi ibiro miye kikombene, kaka yande imiye kaka jagam divai mare.

Chakruok 40:19

To kapok ndalo adekgo orumo Farao biro gonyi, to obiro ng’ado wiyi oko, kendo liero ringri e yath, mi winy biro chamo.”

1 Ruodhi 3:15

Eka Solomon nochiew, moyudo ni kara en mana lek. Nodok Jerusalem, mochung’ e nyim Sandug Muma mar Ruoth Nyasaye, kotimo misengni miwang’o pep kod mag sawo, kendo noloso ni jotichne duto sawo maduong’.

2 Ruodhi 25:27

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabiriyo, mar due apar gariyo, e higa mane Evil-merodak ochakoe tich ruoth.

Ayub 3:1

Bang’e Ayub ema ne ochako wuoyo, kokuong’o chieng’ mane onywolee,

Zaburi 105:19

nyaka gima ne osekoro otimore. Wach Ruoth Nyasaye ne onyiso ji gima ne Josef okoro en adier.

Jeremia 52:31

Kane Jehoyachin ruodh Juda osetue higni piero adek gabiriyo, Evil-merodak ruodh Babulon nogonye. Mano notimore chieng’ due piero ariyo gabich due mar apar gariyo, e higa mane Evil-merodak ochakoe tich ruoth.

Mathayo 14:6

To kane sawo mar paro chieng’ nywol Herode ochopo, nyar Herodia nomiel mamit e nyim welo, mi olombo Herode ahinya.

Mathayo 25:19

“Bang’ ndalo mang’eny, ruodh jotichgo nodwogo, mokueno kodgi.

Mariko 6:21

To achien, kane Herode otimo nyasi maduong’ ni ruodhi gi jodonge kod jotelo mag Galili, mondo opargo chieng’ nywolne, Herodia noyudo thuolo mar timo gima ne odwaro.