Chakruok 4:9 - MUMA MALER 2015

⁹ Bang’e Ruoth Nyasaye nopenje niya, “Ere Habil owadu?” Kain nodwoke niya, “Ok ang’eyo. An jakwadhe ma dang’e kuma entie?”

Motingʼo Loko Manyien

⁹ Eka Jehova Nyasaye nopenjo Kain niya, “Ere owadu Abel?” Nodwoke niya, “Ok angʼeyo. An jakwadhe?”

Chakruok 4:9 ပူးပေါင်းရင်းမြစ်များ

Chakruok 37:26

Eka Juda nowacho ni owetene niya, “Ere ohala ma wabiro yudo kuom nego owadwa, kendo pando thone?

Chakruok 37:32

Ne giyiecho kandhuno mi gitero ni wuon-gi, kendo ne giwachone niya, “Neye gima wasekwanyo. Range ane ka en mar wuodi.”

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.

Zaburi 9:13

A Ruoth Nyasaye, bedna mang’won. Neye kaka joma mon koda thaga! Resa e lak tho, A Ruoth Nyasaye,

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.