Chakruok 4:8 - MUMA MALER 2015

⁸ Kain nowacho ni Habil omin mare ni mondo gidhi giba, to ka ne gisedhi e thim kuma bor gi dala, nogoyo Habil monego.

Motingʼo Loko Manyien

⁸ Eka Kain nowacho ne owadgi Abel niya, “Wadhi waba e pap oko.” To kane gin e pap, Kain nogoyo owadgi ma Abel mi onege.

Chakruok 4:8 ပူးပေါင်းရင်းမြစ်များ

Chakruok 4:25

Adam nochako oriwore gi chiege, mi chiege nonywolo wuowi moro, mochako ni Seth, (tiende ni, mich,) nikech Nyasaye nosemiye wuowino kar Habil mane Kain onego.

2 Samuel 14:6

Ne an gi yawuowi ariyo, to ne gigore ka kwath, kuma ne onge ng’ato ma thegogi, mi achiel ogoyo wadgi.

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Weche mag Ndalo 21:4

Kane Jehoram osebet e kom duong’ mar wuon mare kendo oguroree, nonego owetene duto kod jodongo moko bende mag Israel.

Nehemia 6:2

Mano omiyo Sanbalat gi Geshem noluonga mondo adhi gi Hakefirim e paw Ono, alos kodgi. To mano ne mana riekogi mar timona marach.

Ayub 11:15

Eka diting’ wiyi kionge gi wichkuot, kendo ichak ngima manyien ka in gi chir.

Zaburi 139:19

A Nyasaye, mano kaka agombo ni mondo ineg joricho! Bende mano kaka agombo ni mondo jonek obed mabor koda!

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Hosea 4:2

Ji ketho singruok ma gisetimo, bende giriambo, gineko, gikuelo, kendo giterore. Timbegi maricho medore ameda, kendo gichuero remo kinde duto.

Mika 7:6

E ndalogi yawuowi jaro wuonegi, nyiri bende kwedo minegi, kendo mond yawuowi kwedo weg utegi. Kamano wasik ng’ato gin mana joodgi.

Kwan 35:20

Ka ng’ato odhiro wadgi goyiem, kata ka odiro gimoro mogoye,

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Luka 11:51

chakre remb Habil, nyaka remb Zekaria mane onegi e kind kendo-mar-misango kod Kama Ler mar Hekalu. Adier, awachonu ni tieng’ ma kawuononi noyud kum kuom remogo duto.

Luka 22:48

To Yesu nopenje niya, “Judas, indhogo Wuod Dhano mana gi nyoth koso?”

Jo-Hibrania 11:4

Yie ema nomiyo Habil otimo ni Nyasaye misango malong’o, moloyo misango mane Kain otimo. Kuom yie mare Nyasaye noyie kode ni en ng’at makare, nikech Nyasaye noyie gi gik mane ochiwo, kendo kuom yieneno pod owuoyo, kata obedo ni osetho.

Jo-Hibrania 12:24

Usebiro ir Yesu, jagach mosekelo winjruok manyien, ma rembe mokir nyiso wach maber moloyo wach mane remb Habil onyiso.

Juda 1:11

Mano kaka ginine malit! Gise mana luwo yo mane Kain oluwo, kendo gisemwomore e ketho mar Baalam nikech gihero pesa, bende giseng’anyo kaka Korah nong’anyo, mi girumo mana kaka en bende norumo.