Chakruok 4:4 - MUMA MALER 2015

⁴ Habil bende nokelo jambe ma nokwong nywol. Noyang’o mochiwo bochegi ni Ruoth Nyasaye. Ruoth Nyasaye nobedo mamor gi Habil kod chiwone,

Motingʼo Loko Manyien

⁴ To Abel nokelo ringʼo machwe koa kuom achiel mag jambe makayo. Jehova Nyasaye noyie gi Abel kod misango mare,

Chakruok 4:4 ပူးပေါင်းရင်းမြစ်များ

Chakruok 15:17

Kane chieng’ osepodho kendo piny olil, tak mach nodum iro, kod chuk mach maliel nothinyore, mokadho e kind sirunde kande.

Chakruok 4:3

Chieng’ moro Kain nokelo cham moko ma nosekayo e puothe, mochiwo ni Ruoth Nyasaye.

1 Ruodhi 18:24

Eka uluong nying nyasachu, to an abiro luongo nying Ruoth Nyasaye, kendo Nyasaye ma noor mach, e Nyasaye.” Ji duto nodwoko ni, “Wayie.”

1 Ruodhi 18:38

Eka mach mar Ruoth Nyasaye nolwar, motieko misango kaachiel gi yien gi kite kod lowo, kendo nonywayo pi mane nie bur pep.

1 Weche mag Ndalo 21:26

Eka nogero ni Ruoth Nyasaye kendo-mar-misango kanyono, motimoe misengni miwang’o pep gi mag sawo, kolamo Ruoth Nyasaye. Mi Ruoth Nyasaye nodwoke gi mach moa e polo, molwar e kendo-mar-misango.

2 Weche mag Ndalo 7:1

Kane Solomon osetieko lemo, mach noa e polo motieko misango miwang’o kod misengni mamoko, kendo duong’ maler mar Ruoth Nyasaye nopong’o Hekalu.

Zaburi 20:3

Onego oyie gi chiwo magi duto, kendo obed mamor gi misengni duto mitimo.

Wuok 13:12

to nyaka uchiwne nyithindu machwo makayo duto. Nyithind jambu makayo machwo duto bende gin mag Ruoth Nyasaye.

Ngeche 3:9

Nyaka imi Ruoth Nyasaye duong’ gi mwanduni, kichiwone cham mabeyoe moloyo ma ikayo e puotheni.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Tim jo-Lawi 9:24

Mach nomwuoch e nyim Ruoth Nyasaye, mowang’o misango miwang’o pep, kaachiel gi boche mane nie kendo-mar-misango. Kane ji duto oneno kamano, ne gikok, mi gipodho piny auma.

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

Kwan 16:35

Ruoth Nyasaye nooro mach mowang’o ji mia ariyo gi piero abich mane oyudo wang’o ubani kande.

Kwan 18:12

“Amiyou mo maber gi divai manyien mabeyo duto gi cham mabeyo, tiende ni cham agwela mochiw ni Nyasaye.

Kwan 18:17

To kik wariw nyithindo makayo mag dhok kata mag rombe kata mag diek, nimar gin jamni maler. Nyak ukir rembgi e kendo-mar misango, kendo uwang’ bochegi kutimogo misango miwang’o mondo odum tik mamit ni Ruoth Nyasaye.

Jo-Hibrania 11:4

Yie ema nomiyo Habil otimo ni Nyasaye misango malong’o, moloyo misango mane Kain otimo. Kuom yie mare Nyasaye noyie kode ni en ng’at makare, nikech Nyasaye noyie gi gik mane ochiwo, kendo kuom yieneno pod owuoyo, kata obedo ni osetho.

Jo-Hibrania 9:22

Chutho, kaluwore gi Chik Musa to chiegni ni gik moko duto ipwodho gi remo, kendo ka remo ok ochuer, to golo richo onge.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Jong’ad Bura 6:21

Eka malaika mar Ruoth Nyasaye norieyo lwete, momulo ring’o kod makati gi luth mane en-go e lwete. Mach nomwoch e lwanda, mowang’o ring’o gi makati te. Bang’ mano malaikano nolal nono e wang’e.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.