Chakruok 39:9 - MUMA MALER 2015

⁹ Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

Motingʼo Loko Manyien

⁹ Onge ngʼama nigi teko e odni moloya. Ruodha ok osetama gimoro amora manie odni makmana in, nikech in chiege. Koro ere kaka anyalo timo tim richo kendo makwero ma Nyasaye odagi?”

Chakruok 39:9 ပူးပေါင်းရင်းမြစ်များ

Chakruok 13:13

To jo-Sodom ne joma okethore kendo ma joricho motamore gi nono e nyim Nyasaye.

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 20:6

Nyasaye nodwoke niya, “Ee, ang’eyo ni isetimo kamano kikia. Kuom mano ne ok ayie mondo iriwri kode, mi iketh e nyima.

Chakruok 20:9

Eka noluongo Ibrahim, mopenje niya, “Ang’o momiyo isetimonwa marach kama? Ere gima rach ma asetimoni, momiyo isekelo richo maduong’ kama kuoma, kendo kuom pinya?

Chakruok 24:2

Nowacho ni jatichne maduong’ mane rito mwandune duto niya, “Ket lweti e kind ema.

Chakruok 39:10

Dhakono nosiko kawacho ni Josef wachno, to Josef ne ok dew wachne, kendo notamore riwore kode, kata mana bedo bute ne ok obedo.

Chakruok 41:40

Abiro keti jatend pinya kendo joga duto biro winjo chikni. An kende ema naloyi gi duong’ nikech an ruoth.”

Chakruok 42:18

Chieng’ mar adek Josef nowacho ni owetene niya, “An ng’at moluoro Nyasaye, omiyo unyalo kwo kutimo kaka awacho.

2 Samuel 11:27

To kane ndalo ywakne orumo, Daudi nooro joote moome, kendo nobedo chiege, monywolone wuowi. To gima ne Daudi otimono ne ok long’o ni Ruoth Nyasaye.

2 Samuel 12:13

Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Nehemia 6:11

To nadwoke niya, “Bende ng’ato kaka an diring adier? Koso ng’ato kaka an nyalo donjo e Hekalu mondo oresre?

Ayub 31:23

To adier ne ok anyal timo gima kamano, nikech aluoro kum malich ma Nyasaye kumogo ji.

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Wuok 20:14

“Kik iterri.

Ngeche 6:29

Mano e kaka ng’at materore gi chi wadgi chalo. Omiyo ng’ato ang’ata motimo kamano ok notony mak oyudo kum.

Ngeche 6:32

Kamano bende, ng’at ma terore gi chi ng’ato onge rieko, nimar oketho mana ngimane owuon.

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Jeremia 50:7

Ji duto moyudogi monjogi. Wasikgi to wacho niya, ‘Ne gitimo timbe maricho e nyim Ruoth Nyasaye, omiyo gima watimonigi ok rach. Kweregi nogeno kuom Ruoth Nyasaye, kendo gin bende nonego gisik ka gigeno kuome.’

Tim jo-Lawi 20:10

Ka ng’at oterore gi chi wadgi, to ng’atno kaachiel gi dhakono nyaka negi.

Tim jo-Lawi 6:2

Ka ng’ato oketho, motimo gima rach e nyim Ruoth Nyasaye, mokuong’ore gi miriambo, kowuondo wadgi kuom gima nomiye mondo okan, kata kuom gima osingne, kata kuom gima osekwalo, kata kosechamo malang’,

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

Luka 12:48

to jatich ma ok ong’eyo gima ruodhe dwaro ni mondo otim, mi oboth motimo gima owinjore gi kum, to nochwad mana matin. Ng’at momi gik mang’eny, nodwar kuome gik mang’eny. Adier ng’at mogen gi gik mang’eny nodwar kuome gik mang’eny moloyo!

1 Jo-Korintho 4:2

To gima dwarore kuom jorit en ni nyaka gibed joadiera.

Tito 2:10

Kik gikwel, to ginyis malong’o ni gin joma inyalo geno adier e weche duto, mondo gimi ji one kaka puonj mar Nyasaye Jawarwa ber e gik moko duto ma gitimo.

Jo-Hibrania 13:4

Ji duto mondo okwan kend ka gima duong’, kendo singruok ma joma okendore osingorego nyaka rit matek, nikech Nyasaye nokum joma terore, bed ni gin yawuowi gi nyiri, kata chwo gi mon.

1 Johana 3:9

Ng’at ma Nyasaye onywolo ok tim richo, nikech koth Nyasaye nie iye. Ok onyal timo richo nikech en ng’at ma Nyasaye onywolo.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.