Chakruok 38:9 - MUMA MALER 2015

⁹ To Onan nong’eyo ni nyithindogo ok dibed mage, omiyo e kinde duto mane oriwore gi chi owadgino, ne oolo kothe piny, mondo kik onywol ni owadgi.

Motingʼo Loko Manyien

⁹ To Onan nongʼeyo ni nyithindogo ok bi bedo mage, kuom mano e sa asaya mane oriwore kod chi owadgino; ne oolo kothe oko e lowo mondo ne mi kik onywol nyathi ne owadgi.

Chakruok 38:9 ပူးပေါင်းရင်းမြစ်များ

Chakruok 38:10

Gima notimono ne rach ni Ruoth Nyasaye, omiyo en bende Ruoth Nyasaye nonege.

Ayub 5:2

Sadha nego ng’ama onge rieko, kendo mirima kelo tho ni ng’ama ofuwo.

Ngeche 27:4

Mirima kwiny, kendo ketho gik moko. Nyiego to rach moloyo!

Rapar mar Chik 25:5

“Ka owete odak kanyakla, mi achiel kuomgi otho ka ok oweyo nyathi ma wuowi, to ng’at moro nono ma ok jadalano ok nyal tero chiege. Owadgi chwor dhakono ema nyaka riwre kode, mi loke chiege, kendo timne gik moko duto ma owinjore yuor dhako tim.

Rapar mar Chik 25:6

Nyathi ma wuowi ma dhakono okwongo nywolo nyaka kaw nying wuon mare mothono, mondo nyinge kik lal e Israel.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

Jakobo 3:14

To ka chunyu opong’ gi nyiego marach kod piem to kik upakru, kendo kik uriambi ka uumo adiera.

Jakobo 3:16

nikech kama nyiego gi piem nitie e kama koko gi timbe maricho duto nitie.

Jakobo 4:5

Koso uparo ni Muma wacho kayiem ni, “Chuny ma Nyasaye oketo ei dhano en chuny ma janyiego”?

Ruth 1:11

To Naomi nowachonigi niya, “Doguru nyiga. Ang’o ma dimi udhi koda? Bende pod danywol yawuowi ma dibed chwou?

Ruth 4:10

Ruth nyar Moab, ma chi Malon bende akawo obed chiega, mondo achung wi jal mothono kuom mwandune, mondo kik nyinge lal kuom owetene, kata kuom dhoodgi.”