Chakruok 38:26 - MUMA MALER 2015

²⁶ Juda nong’eyo gigo, mowacho ni, “En ema en kare, to an ema asetimo marach, nikech nonego amiye Shela wuoda mondo okende.” Bang’ mano Juda ne ok ochako oriwore kode kendo.

Motingʼo Loko Manyien

²⁶ Juda nofwenyo gigo, kendo owacho niya, “Dhakoni ja-adiera maloya, nikech ne ok amiye Shela wuoda mondo okende.” Kendo Juda ne ok ochako oriwore kode.

Chakruok 38:26 ပူးပေါင်းရင်းမြစ်များ

Chakruok 37:33

Jakobo nong’eyo lawno, mowacho niya, “Ee, en law Josef nyaka bed ni ondiek osenege, mokidhe matindotindo!”

Chakruok 38:14

nolonyo lepe mag chola mi oloso dende, kendo oumo wang’e gi nanga. Eka nodhi mobet e akek yo madhi Timna. Notimo kamano nimar nong’eyo ni Shela nosebedo maduong’ to ne pok omiyego mondo okende.

Chakruok 4:1

Adam noriwore gi Hawa chiege, mi Hawa nomako ich, monywolo Kain. Eka nowacho niya, “Aseyudo wuowi kuom ng’wono mar Ruoth Nyasaye.”

2 Samuel 16:22

Jo-Absalom noyie gi wachno mi ne giguro ni Absalom hema ewi ot malo, kendo Absalom nodonjo, moriwore gi mond wuon mare, mana ka jo-Israel duto neno.

2 Samuel 20:3

Kane Daudi ochopo e ode Jerusalem, nokawo monde apar ma noweyo ka rito dala, mi noketogi e ot moro machielo, kama ne gibedo kiritogie. Nomiyogi chiemo, to ne ok oriwore kodgi kendo. Kamano noloronigi nyaka chieng’ thogi, ka gidak mana ka mond liete.

2 Samuel 24:17

Kane Daudi oneno malaika mane nego ji, nowacho ni Ruoth Nyasaye niya, “An e jakwath moseketho, kendo an ema asetimo gima rach. To ere rach ma ogandani osetimo? Akwayi ni an ema mondo ikuma kod dhoodwa.”

Ayub 4:5

To koro thagruok ma kamano osebironi in iwuon, kendo chunyi chandore ma ok inyal bedo gi kue.

Ayub 40:5

nimar asewacho mathoth moloyo kaka owinjore.”

Ezekiel 16:52

Kuom mano, koro wichkuot nie wiyi. Richoni dongo ahinya moloyo mag nyimineni, omiyo nyiminenigo nenore ka joma beyo. Emomiyo ting’ ating’a wichkuotni, nimar isemiyo nyimineni nenore ka joma ler!”

Habakuk 1:13

In to iler ma ok inyal yie neno richo, kata yie neno timbe mamono. Koro ere gima omiyo irango aranga joma andhokegi, to ok itim gimoro? Koso ang’o momiyo iling’ aling’a ka joma richo tieko joma kare moloyogi.

Mathayo 3:8

Timbeu ema mondo onyis ni uselokoru adier.

Johana 8:9

To kane giwinjo gima owacho, ne gia kanyo achiel achiel chakre joma dongo nyaka joma tindo, mi Yesu kende ema nodong’, ka dhakono ochung’ bute.

Jo-Rumi 13:12

Otieno chiegni rumo, kendo dwaro ru. Emomiyo waweuru timbe mag mudho, to wamanreuru gi gilweny mag ler.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

1 Samuel 24:17

komedo wacho ni Daudi niya, “In ng’at makare moloya, nikech isetimona maber, to an to asetimoni marach.

1 Samuel 24:18

Ng’wono mitimona kawuono duong’ motamore gi nono, nikech Ruoth Nyasaye noketa e lweti, to ne ok inega.