Chakruok 38:24 - MUMA MALER 2015

²⁴ Bang’ dweche maromo adek, Juda nowinjo ni Tamar chi wuode osemako ich, omiyo nowacho ni, “Goleuru oko mondo owang’e.”

Motingʼo Loko Manyien

²⁴ Bangʼ dweche adek Juda noyudo wach niya, “Tamar chi wuode tim chode osemiyo wichkuot kendo kuom mano koro en gi ich.” Juda nowacho niya, “Goleuru oko kendo uwangʼe nyaka otho!”

Chakruok 38:24 ပူးပေါင်းရင်းမြစ်များ

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 20:7

Koro dwok dhakono ni chwore. Chworeno en janabi, omiyo obiro lemoni mondo kik itho. To ka ok idwoke, to ibiro tho gi joodi duto!”

Chakruok 20:9

Eka noluongo Ibrahim, mopenje niya, “Ang’o momiyo isetimonwa marach kama? Ere gima rach ma asetimoni, momiyo isekelo richo maduong’ kama kuoma, kendo kuom pinya?

Chakruok 34:31

To ne gidwoke niya, “Ok wanyal yie mondo otimni nyaminwa ka nyako ma jachode kamano!”

Chakruok 38:23

Juda nowachone niya, “We obed gi gik ma nasingonego, nono to nyingwa biro kethore. Asetemo orone nyadiedni, to ne ok anyal yude.”

2 Samuel 12:5

Kane Daudi owinjo wachno, mirima nomake ahinya gi japithno. Nowacho ni Nathan niya, “Gi nying Ruoth Nyasaye, ng’at mosetimo kamano owinjore gi tho!

2 Samuel 12:7

Eka Nathan nowacho ni Daudi niya, “In e ng’atno! Ruoth Nyasaye ma Nyasach Israel owacho kama: ‘Ne ayieri mondo ibed ruodh Israel, kendo naresi e lwet Saulo.

Eklesiastes 7:26

Ne ayudo ka dhako kech moloyo tho. Herane nyalo maki mana ka obadho kata ka tol, kendo bade ma okwakigo tueyi mana ka nyororo! Ng’at mohero Nyasaye to nyalo tony mak omako. Jaricho to ok nyal yombe.

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 3:6

E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Ezekiel 16:15

“To ka ineno ni ijaber ahinya, ne iyie mondo ng’ato ang’ata madwari oterre kodi.

Ezekiel 16:25

Ne ikawo berni, irucho e buru, mi ichiwo ringri ni ng’ato ang’ata ma dwari, kimedo bedo jachode odiechieng’ kodiechieng’.

Ezekiel 16:26

Bende ne iweyo jo-Misri ma jogombo mokiewo kodi oterre kodi, mi imiya mirima gi timbeni mang’eny mag chodego.

Ezekiel 16:28

Joma ne isebedo ka idwanyorigo ok oromi, omiyo ne idwanyori gi jo-Asuria, to gin bende ne ok giromi.

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Ezekiel 23:19

Ne omedo dhi nyime moloyo gi timbe chode, kotimo mana kaka notimo e piny Misri kapod ne en nyako.

Ezekiel 23:44

kendo gisiko gidhi adhiya ire, kaka ji dhi ir dhako ma jachode.’ Adier, ne gidhi ir Ohola gi Oholiba mane mon modwanyore.

Ezekiel 23:5

“To kata obedo ni Ohola ne chiega kamano, to ne odhi adhiya nyime gi timbene mag chode, kendo ne osiko kogombo chodene ma jo-Asuria. Chodenego ne jolweny morwako lep lweny maralige. Moko ne jotelo man gi tije madongodongo, kendo moko ne jotend jolweny maidho farese. Giduto ne gin yawuowi mapod tindo, man gi chia.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Hosea 3:3

Eka ne awachone ni obiro dak koda kuom ndalo mathoth, kendo ni ok nochak obed jachode. To bende ng’ato ok nochak onind kode, kata mana an.

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Tim jo-Lawi 20:10

Ka ng’at oterore gi chi wadgi, to ng’atno kaachiel gi dhakono nyaka negi.

Tim jo-Lawi 21:9

Ka nyar jadolo odwanyore modoko ohodho, omiyo wuon mare bedo mogak. Nyaka wang’ nyakono gi mach mi tho.

Jo-Rumi 14:22

Paro ma in-go korka gik miyiego to bedgo mana e chunyi gi Nyasaye kende. Ng’at maonge gi kiawa moro e chunye, kotimo gima ong’eyo ni kare en jahawi!

Rapar mar Chik 24:16

“Kik neg wuone nikech richo mag nyithinde, kata kik neg nyithindo nikech richo mag wuonegi, to ng’ato ka ng’ato noneg mana nikech richone owuon.

Jong’ad Bura 19:2

To nyakono nodhaw kode, moweye, kendo odok dalagi Bethlehem. Kane osebet kuno kuom kinde ma dirom dueche ang’wen,