Chakruok 38:18 - MUMA MALER 2015

¹⁸ Juda nopenje gima odwaro mondo osingne, mi nodwoke niya, “Miya bonynino gi tonde kod ludhino.” Kamano nomiye gigo, moriwore kode, mi Tamar nomako ich.

Motingʼo Loko Manyien

¹⁸ To Juda nodwoke niya, “Singo mar angʼo ma idwaro?” To Tamar nodwoke niya, “Miya banglinino gi tonde kod luth manie lwetino.” Kuom mano Juda nomiyo Tamar chi wuode gigo kendo noriwore kode mi Tamar nomako ich kod Juda kwar mare.

Chakruok 38:18 ပူးပေါင်းရင်းမြစ်များ

Chakruok 38:17

Juda nodwoke ni, “Abiro oroni nyadienda moro.” To nomedo wacho niya, “Ayie gi mano, to ere gima ibiro singona kapok ioro nyadiendno?”

Chakruok 38:19

Tamar nodok dala mi nolonyo nanga ma noumogo wang’e kendo nochako orwako lepe mag chola.

Chakruok 41:42

Mi nogolo tere mar loch e lwete, moketo e lwet Josef. Nomiye lewni mag bafta mayom morwako, mi olierone thiwni mag dhahabu e ng’ute.

Jeremia 22:24

Ruoth Nyasaye nowacho ni Jekonia wuod Jehoyakim ma ruodh Juda niya, “An Nyasaye mangima akuong’ora ni kata ka inie tere manie lweta ma korachwich to pod dawuodhi oko,

Hosea 4:11

“Kong’o osemayo joga rieko!

Tim jo-Lawi 18:15

Kik iterri gi chi wuodi, nikech kitimo kamano to ikuodo wiye.

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.