Chakruok 37:9 - MUMA MALER 2015

⁹ Bang’e Josef nochako oleko lek machielo, mowacho ni owetene niya, “Nende aleko lek moro ni aneno wang’ chieng’ gi due kod sulue apar gachiel ka kulorena.”

Motingʼo Loko Manyien

⁹ Eka Josef nochako oleko lek machielo, kendo nowacho ne owetene lekno. Nowachonegi niya, “Winjuru lek machielo manyoro aleko ni wangʼ chiengʼ gi dwe kod sulwe apar gachiel kulorena.”

Chakruok 37:9 ပူးပေါင်းရင်းမြစ်များ

Chakruok 20:3

To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Chakruok 37:10

Ka ne onyiso wuon mare kod owetene wachno, wuon nokwere kapenje niya, “Lek ni no en lek manade? Iparo ni wan gi meru kod oweteni wabiro kuloreni?”

Chakruok 37:7

Naleko ni wan e puodho waduto kwatueyo ngano, mi wich mane atueyo noa malo mochung’ tir. Eka wiyeu nolworo wiyano mokulorene.”

Chakruok 37:8

Owetene nodwoke ka penje niya, “Iparo ni chieng’ moro inibed ruodhwa mondo itiwa?” Mi ne gimedo doko mamon kode ahinya, nikech lek mane owacho ni olekono.

Chakruok 41:25

Josef nowacho ni Farao niya, “Leknigo tiendgi achiel. Nyasaye osenyisi gima obiro timo.

Chakruok 41:32

Lek ma iseleko diriyono nyiso ratiro ni Nyasaye osechano mar timo kamano, kendo obiro timogo piyopiyo.

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

Chakruok 43:26

Kane Josef oduogo e ode, ne gimiye chiwo mane gisekelonego, kendo ne gikulore piny e nyime.

Chakruok 43:28

Ne gidwoke niya, “Ee, ruoth, wuonwa pod ngima.” Eka ne gigoyo chonggi piny, mi gikulore e nyime nyaka e lowo.

Chakruok 44:14

Juda gi owetene notundo e od Josef, mi giyudo kapod entie. Ne gigoyo chonggi piny e nyime, mi gikulore nyaka e lowo.

Chakruok 44:19

Ruoth, nene ipenjowa ka bende wan gi wuonwa kata owadwa moro,

Chakruok 45:9

“Koro doguru ir wuora uwachne mondo ni Josef wuode owacho kama: ‘Nyasaye oseketa ruodh Misri duto, omiyo bi ira piyopiyo.

Chakruok 46:29

Josef nokawo gache modhi kuno, romo ni Israel wuon mare. Kane oneno wuon mare, nokwake moywak aming’a.

Chakruok 47:12

Bang’e nomiyo wuon mare gi owetene kod jood wuon duto, chiemo duto mane gidwaro.

Daniel 8:10

Ne odoko motegno momonjo ogend lweny mag polo, tiende ni sulue, kendo ne owito moko kuomgi piny, monyono.

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Jo-Filipi 2:15

Nyaka ubed nyithind Nyasaye maler kendo maonge wach, kubedo maonge ketho e kind tieng’ mobam kendo ma jarichoni, mondo urieny e kindgi ka sulue marieny e polo,