Chakruok 36:7 - MUMA MALER 2015

⁷ Nodar nimar kama ne gidakie gi Jakobo ne tin mane ok nyal romogi nikech giduto ne gin gi jamni mathoth ahinya.

Motingʼo Loko Manyien

⁷ Mwandugi ne ngʼeny makoro ne ok ginyal dak kamoro achiel; piny mane gidakie ne tin ma ok nyal romogi nikech kwethgi.

Chakruok 36:7 ပူးပေါင်းရင်းမြစ်များ

Chakruok 13:11

Omiyo Lut noyiero holo mar Jordan duto, mi nochomo yo wuok chieng’. Kamano e kaka ji ariyogo nopogore.

Chakruok 13:6

To lek ne tin, ma ok nyal romo gi, nikech giduto ne gin gi jamni mang’eny.

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 28:4

Onego oguedhi kendo oguedh nyikwayi kaka noguedho Ibrahim, mondo ikaw piny ma koro idakie. En e piny mane Nyasaye omiyo Ibrahim.”

1 Weche mag Ndalo 29:15

Wan mana welo kendo jodak e nyimi, kaka kwerewa bende nobet. Ndalowa e piny ka, chalo gi tipo makadho, kendo waonge kar dak mosiko.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Jeremia 35:7

Bende nokwerowa ni kik wager udi kata kik wapur puothe, kendo ni kik wapidh yiend mzabibu kata kik wabed gi gik makamago. Nochikowa mana ni mondo wadag mana e hembe kuom ngimawa duto, ni eka wanadag aming’a e piny ma wanie weloni.

Jo-Hibrania 11:9

Yie ema nomiyo odak mana ka jadak e piny ma ok mare, kata obedo ni ne en piny mane Nyasaye osingore ni nomiye. Ne odak e hema, mana kaka Isaka kod Jakobo bende nodak. Gin bende Nyasaye nosesingorenigi kamano.