Chakruok 33:9 - MUMA MALER 2015

⁹ To Esau nowachone niya, “An gi giga moroma, owadwa. Omiyo bed abeda gi magi.”

Motingʼo Loko Manyien

⁹ To Esau nowacho niya, “An gi gik mathoth owadwa. Magi-gi bedgo abeda.”

Chakruok 33:9 ပူးပေါင်းရင်းမြစ်များ

Chakruok 27:39

Eka Isaka nowachone niya, “Inidag e piny motimo ongoro, kendo puotheni ok noyud koth moa e polo.

Chakruok 27:40

To liganglani ema nomiyi chiemo, kendo inibed jatich owadu. To kinde nobi ma ining’anyie, kendo nia e bwo lochne.”

Chakruok 27:41

Esau nomako sadha gi Jakobo nikech gueth mane wuon-gi oseguedhego. Omiyo noparo niya, “Wuora tinde chiegni tho, to kaseloso liende, to abiro nego Jakobo owadwa.”

Chakruok 33:10

Jakobo nowachone niya, “Ooyo; ka iseng’wonona, to yie ikaw mich ma achiwogo. Kaka iserwaka gi ng’wono, biro e nyimi chalna mana gi biro e nyim Nyasaye.

Chakruok 4:9

Bang’e Ruoth Nyasaye nopenje niya, “Ere Habil owadu?” Kain nodwoke niya, “Ok ang’eyo. An jakwadhe ma dang’e kuma entie?”

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Ngeche 30:15

Ji moko nitie ma pile dwaro mondo omigi amiya gik moko, mana kaka chwe bende pile nyodho anyodha remo, to ok yieng’. Bende nitie gik moko adek ma gik moko ok rom. Chutho, gin gik moko ang’wen ma ok nyal wacho ni, “Waromo”.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 9:17

Kuom mano, Anania nodhi modonjo e odno. Noketo lwete kuom Saulo, mowachone ni, “Owadwa Saulo, Ruoth Yesu mane ofwenyoreni e yo kibiro ka, oseora iri mondo ichak inen, kendo ipong’ gi Roho Maler.”

Filemon 1:16

To koro ok oduog mana kaka misumba kende, to oduogo ka ng’ama oloyo misumba, nikech osedoko owadu ma ihero kuom Kristo. An owuon ahere, to in ema ibiro here moloyo, nikech ibiro here kaka dhano, kendo ibiro here kaka owadu kuom Ruoth!

Filemon 1:7

Owadwa, kane awinjo ni hera ma iherogo jo-Nyasaye oseduogo chunygi, ne amor ahinya, kendo an bende chunya noduogo.