Chakruok 33:2 - MUMA MALER 2015

² Noketo monde ma jotichgo gi nyithindgi mondo otel, eka Lea gi nyithinde noluwogi, to Rahel gi Josef ema noketo chien.

Motingʼo Loko Manyien

² Noketo jotichne mamon ariyo kod nyithindgi nyime, kiluwogi gi Lea kod nyithinde, to Rael gi Josef ema noketo chien.

Chakruok 33:2 ပူးပေါင်းရင်းမြစ်များ

Chakruok 29:16

To Laban ne nigi nyiri ariyo. Nyako maduong’ ne nyinge Lea, to matin ne Rahel.

Chakruok 29:30

Kamano Jakobo nokendo Rahel bende, mi nohere moloyo Lea. Bang’ mano notiyo ni Laban kuom higni abiriyo moko.

Chakruok 33:1

Kane Jakobo oting’o wang’e moneno Esau kabiro gi ji mia ang’wen, nopogo nyithinde ni Lea gi Rahel kod monde ariyo ma jotich.

Chakruok 33:3

Eka Jakobo notelo nyimgi, mogoyo chonge piny kokulore nyaka e lowo dibiriyo, kodhi nyime nyaka noromo gi owadgi.

Chakruok 37:3

Jakobo nohero Josef moloyo yawuote duto, nikech nonywole koseti, omiyo notwang’one kandho ma bade boyo.

Jeremia 50:12

to dalau uwegi biro bedo gi wichkuot maduong’. Jo-Babulon nobed oganda matinie moloyo ogendini duto. Bende pinygi nolokre thim ma pi ongee,

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.