Chakruok 32:6 - MUMA MALER 2015

⁶ Joote nodwogo ir Jakobo, mowachone niya, “Ne waromo gi owadu Esau ka biro romoni gi ji mia ang’wen.”

Motingʼo Loko Manyien

⁶ Kane jootego odwogo ir Jakobo negiwachone niya, “Ne wadhi ir owadu Esau kendo koro obiro mondo orom kodi, to ji mia angʼwen bende ni kode.”

Chakruok 32:6 ပူးပေါင်းရင်းမြစ်များ

Chakruok 32:11

Omiyo resa e lwet Esau owadwa, nimar aluor ni dipo ka otiekowa duto, ma ok oweyo kata mana mon kata nyithindo.

Chakruok 32:7

Kane Jakobo owinjo kamano, nobwok, kendo chunye nochandore ahinya. Omiyo nopogo joge gi jambe e migepe ariyo,

Chakruok 32:8

koparo ni kapo ni Esau omonjo migawo achiel, to migawo machielo nyalo tony.

Chakruok 33:1

Kane Jakobo oting’o wang’e moneno Esau kabiro gi ji mia ang’wen, nopogo nyithinde ni Lea gi Rahel kod monde ariyo ma jotich.

Chakruok 33:15

Esau nowachone ni, “Kara awe joga moko mondo akonyi wuoth.” To Jakobo nodwoko ni, “Erokamano jaduong’; ok onego ithagri kamano.”

Chakruok 33:8

Esau nopenjo Jakobo niya, “Oganda maduong’ mane aromogo cha to?” Jakobo nodwoke niya, “Jaduong’, naorogi mondo gibi gikwana ng’wono kuomi.”

Chakruok 34:11

Bang’e Shekem nowacho ni wuon Dina kod owete Dina niya, “Yie utimna gima akwayou, mondo anywomnu gimoro amora mudwaro.

Chakruok 47:25

Ne gidwoke niya, “Ruoth, isekonyowa, omiyo kineno ni mano ber, to wabiro bedo wasumb Farao.”

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Ruth 2:13

Eka Ruth nowachone niya, “Itimona maber, ruoth, nikech ihoyo chunya, kendo iwuoyo koda maber, kata obedo ni ok an achiel kuom jotichni kamano.”

Ruth 2:2

Chieng’ moro Ruth nyar Moab nowacho ni Naomi niya, “Yiena adhi mondo ahul cham bang’ ng’ato ang’ata moyie kecha.” Nodwoke niya, “Dhiyo, nyara.”

1 Samuel 1:18

Hana nowachone niya, “Mad abed ng’ama owinjore gi ng’wononi.” Eka nodhi mochiemo, ka chunye ler.