Chakruok 32:30 - MUMA MALER 2015

³⁰ Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

Motingʼo Loko Manyien

³⁰ Kuom mano Jakobo nochako kanyo ni Peniel (tiende ni wangʼ Nyasaye) kowacho niya, “Nikech aseneno Nyasaye wangʼ gi wangʼ kendo ngimana oresi.”

Chakruok 32:30 ပူးပေါင်းရင်းမြစ်များ

Chakruok 16:13

Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

Chakruok 28:19

Nochako nying kanyo ni Bethel (tiende ni od Nyasaye.) To e kinde mokwongo dalano niluongo ni Huz.

Chakruok 35:9

Nyasaye nochako ofwenyore ni Jakobo kendo, kane oseduogo oa Mesopotamia. Noguedhe,

1 Ruodhi 12:25

Jeroboam nogero Shekem e piny gode mag Efraim, modak kuno. Bang’e noa kanyo, modhi ogero Penuel.

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Isaya 9:5

Gik moko duto ma jolweny omanorego kod lewni duto ma omienore gi remo, nowang’ mana ka yien michwakogo mach,

Kwan 12:8

En awuoyo kode wang’ gi wang’, kende mana moyangore ma onge ngero. Enone kit Ruoth Nyasaye. Ere kaka uhedhoru kuodho jatichna Musa?”

Johana 1:18

Onge ng’ama oseneno Nyasaye, to Wuowi ma miderma, machiegni gi Wuoro moloyo, ema osemiyo wang’eye.

1 Jo-Korintho 13:12

Koro waneno mana kido matiptip ka joma neno e rang’i marachrach, to chieng’no wananen malong’o. Rieko ma an-go sani en rieko morem, to chieng’no anang’e Nyasaye chuth, mana kaka Nyasaye ong’eya.

2 Jo-Korintho 3:18

Wan duto, ma waonge rageng’ e wang’wa, to wachalo gi rang’i, kendo wamiyo ler mar Ruoth nenore, kendo lerno medore ameda pile, ka kitwa medo lokore machal kode. Mano en tich Ruoth ma en Roho.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Jo-Galatia 1:6

Awuoro kaka uselokoru piyopiyo uweyo Nyasaye mane oluongou kuom ng’wono mar Kristo, kendo koro uluwo Wach Maber machielo mopogore.

Jo-Efeso 1:17

ka akwayo Wuoro ma wuon duong’ duto, kendo ma Nyasach Ruodhwa Yesu Kristo, mondo omiu Roho makelonu rieko kendo fwenyonu gik moko mondo ung’eye.

Rapar mar Chik 34:10

Nyaka koroni janabi moro machal gi Musa, mane Ruoth Nyasaye romogo wang’ gi wang’, pok owuok e Israel.

Rapar mar Chik 5:24

mowachona niya, ‘Ne! Ruoth Nyasaye ma Nyasachwa osenyisowa duong’ne maler gi tekone, kendo wasewinjo dwonde kawuok ei mach. Omiyo koro wang’eyo ni kara Nyasaye nyalo wuoyo gi dhano, mi dhano chak bed abeda mangima.

Jo-Kolosai 1:15

Kristo e kido mineno mar Nyasaye ma ok ne. En gi duong’ mar wuowi makayo, kendo en gi loch kuom chuech duto,

2 Timotheo 1:10

To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

Jo-Hibrania 11:27

Yie ema nomiyo owuok Misri ka ok oluoro mirimb ruoth. Ne odhil mana ka ng’ama oneno Nyasaye ma ok ne.

Joshua 5:13

Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”

Jong’ad Bura 13:17

Omiyo nowachone niya, “Hulnwa nyingi, mondo wabi wamiyi duong’ ka gima isewachono otimore.”

Jong’ad Bura 13:18

To malaika nopenje ni, “Marang’o idwaro ng’eyo nyinga, to en nying modhiero ji ng’eyo?”

Jong’ad Bura 8:17

To bende nomuko kama ochiel motegno mar siro lweny mane ni Penuel kendo nonego jo dalano.

Jong’ad Bura 8:8

Noa kanyo modhi Penuel, kendo kuno bende nokwayoe chiemo mana kaka nosekwayo jo-Sukoth. To jo-Penuel nodwoke mana machal gi jo-Sukoth.