Chakruok 32:28 - MUMA MALER 2015

²⁸ Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Motingʼo Loko Manyien

²⁸ Eka ngʼatno nowacho niya, “Nyingi ok nochak oluongi ni Jakobo, to noluongi ni Israel nikech ise ii gi Nyasaye kod ji mi iseloyo.”

Chakruok 32:28 ပူးပေါင်းရင်းမြစ်များ

Chakruok 17:15

Eka Nyasaye nowacho ni Ibrahim kendo niya, “Kik ichak iluong chiegi ni Sarai, nikech koro nyinge Sara.

Chakruok 17:5

Nyingi ok nochak oluong ni Abram, to noluonge ni Ibrahim. Mano koro e nyingi, nikech aseloki wuon ogendini mang’eny.

Chakruok 25:31

To Jakobo nodwoke niya, “Abiro miyigo mana kimiya duong’ni mar nywol.”

Chakruok 31:24

To Nyasaye nofwenyore ni Laban ja-Aram e lek gotieno, mowachone niya, “Kik iwach ni Jakobo gimoro amora.”

Chakruok 32:24

nodong’ kende, kendo ng’ato nobuke moi kode kanyo nyaka piny oru.

Chakruok 32:27

Nopenjo Jakobo niya, “Nyingi ng’a?” Mi nodwoke ni, “Nyinga Jakobo.”

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

Chakruok 33:4

Esau noringo kadhi romone, kendo nokwake monyodhe, mi ne giywak giduto.

Chakruok 35:10

kowachone niya, “Nyingi en Jakobo, to chakre kawuono ok noluongi ni Jakobo, to nyingi koro en Israel.” Kamano nochake ni Israel.

2 Samuel 12:25

Kuom mano, nomiyo Nathan janabi owacho ni mondo ochake ni Jedidia, nikech mano e dwaro mar Ruoth Nyasaye. Tiend nying’no en ni, ‘Ng’ama ohero Ruoth Nyasaye’.

1 Ruodhi 18:31

Nokawo kite apar gariyo maromre gi kwan mar dhout yawuot Jakobo, jal mane wach Ruoth Nyasaye obirone niya, “Nyingi noluong ni Israel.”

2 Ruodhi 17:34

Pod giluwo timbe machon-go nyaka chil kawuono. Ok giluoro Ruoth Nyasaye, bende ok giluw buchene gi yorene, kata mako puonjne, kata rito chik mane oketo ni nyikwa Jakobo, jal mane Ruoth Nyasaye oloko nyinge ni Israel.

1 Weche mag Ndalo 1:34

Isaka wuod Ibrahim nonywolo Esau gi Israel.

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Isaya 43:1

Un jo-Israel ma nyikwa Jakobo, Ruoth Nyasaye mane otimou oganda wacho kama: “Kik ubed maluor nikech asewarou. Aseluongou gi nyingu, omiyo un joga awuon.

Isaya 65:15

Ka joga moyier, dwaro kuong’o ng’ato, to giniluong nyingu ka giwacho ni, ‘Ruoth Nyasaye mondo oneg ng’atno, kaka ne onegou.’ Joga to analuong gi nying’ moro nono maber.”

Kwan 13:16

Mago e nying joma Musa nooro mondo odhi ocheng piny Kanaan, to Hoshea wuod Nun to nochako ni Joshua.

Johana 1:42

Eka nokelo Simon ir Yesu. Yesu nong’iyo Simon, mowachone ni, “In Simon wuod Johana, to chieng’ moro noluongi ni Kefa.” (Kefa en Petro gi dho Grik, tiende ni Lwanda.)

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.

1 Samuel 26:25

Eka Saulo nowacho ni Daudi niya, “Oguedhi, Daudi wuoda! Initim timbe madongo, kendo nilo.” Mi Daudi nodhi, to Saulo nodok dala.