Chakruok 32:20 - MUMA MALER 2015

²⁰ monyisogi ni mondo gimed wacho ni Esau niya, “Jakobo jatichni biro bang’e,” Jakobo noparo ni obiro hoyo chuny Esau gi chiwo mane oseorone motelogo, kendo koromo kode bang’e, to dipo ka orwake gi ng’wono.

Motingʼo Loko Manyien

²⁰ Kendo une ni uwacho ni, ‘Jatichni Jakobo biro bangʼwa.’ ” Nikech noparo niya, “Obiro hoye gi mich ma ooroneni kendo ka oneno to ponono obiro rwaka.”

Chakruok 32:20 ပူးပေါင်းရင်းမြစ်များ

Chakruok 32:19

Jal mar ariyo gi mar adek kod jogo duto mane sembo jamnigo bende Jakobo nochiko kamano,

Chakruok 32:21

Kamano chiwogo duto nodhi motelo nyime, to en nodong’ monindo e kambi gotienono.

Chakruok 43:11

Israel wuon-gi nowachonigi niya, “Ka ochuno ni nyaka bed mana kamano, to ara timuru. To kawuru gik moko mabeyo mag pinyni, machalo dwogo gi mor kich gi gik mang’ue ng’ar, gi manemane, kod olembe moko, mondo uting’ e ogundeu, uter ni ng’atno kaka chiwo.

1 Ruodhi 20:31

Jodonge nodhi ire, mowachone niya, “Wasewinjo ni ruodhi mag Israel ng’won. We mondo watue piende gugru e nungowa, kod tonde e ng’utwa, wadhi ir ruodh Israel, dipo koreso ngimani.”

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Ngeche 16:14

Pile ng’at mariek dwaro ni mondo ruoth obed mamor, nimar kokecho, to mirimbe nyalo kelo ni ng’ato tho.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Ngeche 21:14

Mich mochiw ling’ling’ ni ng’at mokecho, kueyo mirimbe.

Ngeche 6:35

Ok onyal yie mondo ochule gimoro, kendo kata mana chiwo malich manade ok nyal kueyo mirimbe!

Jona 3:9

Kamoro Nyasaye dipo ka olokore moweyo mirimbe, mi ok watho.”

2 Timotheo 2:25

kendo marieyo joma dagi wachne gi muolo. Kamoro dipo ka Nyasaye nyalo miyo chunygi lokre mondo ging’e adiera,

1 Samuel 6:5

Emomiyo mondo ulos gik maket gi buche mane okuodou, kendo ulos gik maket gi oyieyo ma kethonu piny, kumiyogo Nyasach Israel duong’, mi dipo koweyo sandou, kaachiel gi nyisecheu kod pinyu.