Chakruok 32:10 - MUMA MALER 2015

¹⁰ Ok awinjora gi herani maradier kendo mosiko misenyisa. Nang’ado aora Jordan ka aonge gi gimoro mak mana ludha mar wuoth kende, to koro aseduogo gi ogendini ariyogi.

Motingʼo Loko Manyien

¹⁰ ok awinjora gi kech kod adieragi duto misenyiso jatichni. Ne an mana gi ludha kende kane angʼado aora Jordan, to koro aseduogo gi ogendini ariyo.

Chakruok 32:10 ပူးပေါင်းရင်းမြစ်များ

Chakruok 18:27

Ibrahim nomedo wacho ni Ruoth Nyasaye niya, “Yie ing’wonna kuom wuoyo kodi kamano, nikech an mana dhano adhana ma ok owinjore wacho gimoro.

Chakruok 24:12

Eka nowacho niya, “A Ruoth Nyasaye ma Nyasach Ibrahim ruodha, guedha tinendeni mondo wuodhani obed maber, kendo ichop singruok ma nitimo ni ruodha.

Chakruok 24:27

kowacho niya, “Apako Ruoth Nyasaye ma Nyasach Ibrahim ruodha, moserito singruok ma notimo ni ruodha, kendo osekela mana dala owadgi ruodha.”

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

Chakruok 30:43

Piyopiyo nono Jakobo nodoko jamoko miwuoro. Ne en gi jamni mang’eny gi ngamia kod kenje, kaachiel gi wasumbini ma chuo gi mamon.

Chakruok 31:3

Bang’e Ruoth Nyasaye nowacho ni Jakobo niya, “Dogi e pinyu ir oweteni, abiro bet kodi kuno.”

Chakruok 32:5

An gi dhok kod kenje gi rombe gi diek, kaachiel kod wasumbini machwo gi mamon. Kuom mano aoroni wach mondo iyie irwaka gi ng’wono.”

Chakruok 32:7

Kane Jakobo owinjo kamano, nobwok, kendo chunye nochandore ahinya. Omiyo nopogo joge gi jambe e migepe ariyo,

2 Samuel 17:24

Kane Absalom gi jo-Israel duto oidho loka aora Jordan, noyudo ka Daudi osechopo Mahanaim.

2 Samuel 7:18

mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o momiyo isemiya duong’ ma kama?

Ayub 17:9

Bende ji maparo ni gin joma ogen medo neno ni adier gin ema gin kare.

Ayub 8:7

kendo mwandu ma obiro miyi nobed mang’eny, ma ok nyal pim gi mago mane olalni.

Zaburi 16:2

Asewacho ni Ruoth Nyasacha niya, “In e Ruodha, kendo gik mabeyo duto ma an-go oa mana kuomi.”

Zaburi 18:35

In Ruoth Nyasaye isekelona resruok mobedona okumba, kendo lweti ma kor achwich osetega. Konyni bende osemiyo abedo gi duong’.

Zaburi 61:7

Onego orit piny nyaka chieng’, ka in kode, A Nyasaye. Ee, rite gi herani mosiko kod adiera mari.

Zaburi 8:5

To kata kamano ne ichueye ma in kende ema iloye. Bende ne isidhone osimbo mar duong’ kod pak,

Zaburi 84:7

Teko medore ni jogo ameda, ka gidhi nyime gi wuodhgi. Gibiro neno Nyasach nyiseche e got Sayun!

Zaburi 85:10

Hera gi adiera biro riwore kanyakla. Tim makare kod kue bende biro bedo kaachiel.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Isaya 63:7

Abiro pako ber mar Ruoth Nyasaye kod timbene madongo miwuoro ka agoyo erokamano kuom gik moko duto mosetimonwa, kendo kuom hera maduong’ moseherowago wan jo-Israel. Notimonwa kamano nikech ng’wonone kod herane mogundho.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Luka 17:10

Kamano e kaka un bende, ka usetimo gik moko duto mane onyisu ni mondo utim, to onego uwach ni, ‘Wan mana jotich aticha, omiyo onge erokamano monego wayudi, nikech wasetiyo mana tichwa.’ ”

Luka 5:8

Kane Simon oneno kamano, ne ogoyo chonge piny e nyim Yesu, mowachone niya, “Yie iweya Ruoth nikech an ng’at ma jaricho!”

2 Jo-Korintho 12:11

Atimora ka ng’ama ofuwo, to un ema usemiyo abedo kamano. Ne onego upwoya, nimar kata obedo ni ok an gimoro, to joote muparo ni dongogo ok oloya kata matin.

Rapar mar Chik 8:18

to paruru Ruoth Nyasaye ma Nyasachu, nimar en ema omiyou teko mar yudo mwandu. Kamano ochopo singruok mane omiyo kwereu, kokuong’ore.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”