Chakruok 31:54 - MUMA MALER 2015

⁵⁴ Noyang’o chiayo moro, motimogo misango e godno, kendo noluongo wedene mondo obi ochiem. Kamano ne gichiemo kaachiel, kendo ne ginindo kanyo.

Motingʼo Loko Manyien

⁵⁴ Notimo misango e godno kendo noluongo wedene e nyasino. Bangʼ kane gisechiemo, ne ginindo kanyo.

Chakruok 31:54 ပူးပေါင်းရင်းမြစ်များ

Chakruok 21:8

Nyathino nodongo, kendo chieng’ ma noweyoe dhoth, Ibrahim notimo nyasi maduong’.

Chakruok 26:30

Kuom mano Isaka nolosonigi chiemo, mi ne gichiemo kendo gimetho.

Chakruok 37:25

Eka ne gibet piny mondo gichiem, to kane gichiemo, ne gipo ka gineno oganda mar jo-Ishmael koa Gilead dhi Misri, Ne gin gi ngamia moting’o gik mang’ue ng’ar gi manemane kod yien moko.

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Ezekiel 44:3

Ruodh piny Israel kende ema nyalo dhi kanyo kaka ruoth, mondo ocham sawo e nyima. To nyaka odonji kendo owuogi kokadho mana e ot maduong’ ma iye mogik.”

1 Samuel 9:12

Nyigo nodwokogi ni, “Ee, en nyimu kanyo. Returu, koroni eka odonjo dala, nikech jodalano timo misango kawuono e hembko man kama oting’ore.