Chakruok 31:53 - MUMA MALER 2015

⁵³ Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

Motingʼo Loko Manyien

⁵³ Mad Nyasach Ibrahim, kod Nahor, gi Nyasach kwereni obed jangʼad bura e kindwa.” Omiyo Jakobo notimo kwongʼruok e nying Nyasach Isaka wuon-gi.

Chakruok 31:53 ပူးပေါင်းရင်းမြစ်များ

Chakruok 31:42

Ka dine Nyasach Ibrahim kwara mane Isaka bende lamo, ok ni koda, to dine iseriemba gi lweta nono. To Nyasaye noneno kaka natiyo matek, kendo kaka nachandora, omiyo nyoro okweri gotieno ni kik itimna gimoro marach.”

Chakruok 16:5

Eka Sarai nowacho ni Abram niya, “In ema imiyo Hagar jara! Namiyi jatichna, to ka noneno ni osemako ich, to ochako jara. Ruoth Nyasaye mondo ong’ad burani e kinda kodi.”

Joshua 24:2

Eka Joshua nonyiso ji duto ni Ruoth Nyasaye ma Nyasach Israel owacho kama: “Chon, Tera wuon Ibrahim gi Nahor ma kwereu, nodak loka aora Yufrate, kendo ne gilamo nyiseche mamoko.

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 11:31

Tera nokawo Abram wuode gi Lut nyakware maka wuode Haran, kod Sarai chi Abram, mi ne giwuok Ur e piny Kaldea mondo gidhi e piny Kanaan. To kane gichopo Haran, ne gidak kuno.

Chakruok 31:52

Pidhni kod sironi mondo obed ka janeno ni ok nakadh pidhni mondo amonji, to in bende ok nikadh pidhni kata sironi mondo imonja.

Chakruok 47:31

To Israel nowachone niya, “Kuong’rina ni initim kamano.” Mi Josef nokuong’orene. Eka Israel nokulore gi yo ka wi kitandane.

Wuok 5:21

mi giwachonigi niya, “Nyasaye mondo one gima usetimo, kendo okumu kuom miyo Farao gi jodonge bedo mamon kodwa. Useketo ligangla e lwetgi mondo ginegwago!”

Jong’ad Bura 11:27

Wan pok wakethonu, to un koro utimonwa marach kuom kedo kodwa. Ruoth Nyasaye e jang’ad bura, kendo kawuono obiro ng’ado bura e kind jo-Israel gi jo-Amon.”

1 Samuel 20:23

To Ruoth Nyasaye mondo obed janeno nyaka chieng’ kuom singruok mane watimo kodi.”

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.