Chakruok 31:5 - MUMA MALER 2015

⁵ mowachonigi niya, “Aseneno ka wuonu tinde ok ohera kaka nohera e kinde mokwongo, to kata kamano Nyasach wuora osebedo ka ni koda.

Motingʼo Loko Manyien

⁵ Nowachonegi niya, “Aneno ni paro ma wuonu nigo koda ok en paro mane en-go mokwongo, kata kamano Nyasach wuora osebedo koda.

Chakruok 31:5 ပူးပေါင်းရင်းမြစ်များ

Chakruok 21:22

E ndalono Abimelek kod Fikol ma jatend jolweny nodhi ir Ibrahim mowachone niya, “Nyasaye ni kodi kuom gik moko duto mitimo.

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

Chakruok 31:13

An e Nyasaye ma nofwenyoreni Bethel kuma niwiroe siro gi mo, kichiwena, kendo ikuong’ori. Koro wuogi ia e pinyni mondo idog thuru.’ ”

Chakruok 31:29

An gi teko mar hinyi, to Nyasach wuoru nyoro owuoyo koda, ka kwera ni kik awachni gimoro amora.

Chakruok 31:4

Omiyo Jakobo noluongo Rahel gi Lea kuma nokwayoe jambe,

Chakruok 31:42

Ka dine Nyasach Ibrahim kwara mane Isaka bende lamo, ok ni koda, to dine iseriemba gi lweta nono. To Nyasaye noneno kaka natiyo matek, kendo kaka nachandora, omiyo nyoro okweri gotieno ni kik itimna gimoro marach.”

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

Chakruok 32:9

Eka nolemo, kowacho niya, “A Ruoth Nyasaye ma Nyasach Ibrahim kwara, kendo Nyasach Isaka wuora, in ema niwachona ni mondo adog thurwa ir joodwa, kendo ni initimna maber.

Chakruok 48:15

Eka noguedhogi kowacho niya, “A Nyasaye, yie iguedh nyithindigi. In e Nyasaye mane Ibrahim kwara gi Isaka wuora jolamo, kendo in e Nyasaye mosetelona nyaka koroni.

Chakruok 50:17

‘Asayi, we ni oweteni richogi, kaachiel gi gima mono mane gitimoni’ Kuom mano yie iwenwa kuom tim marach mane watimo, nikech wan jotich Nyasaye wuoru.” To kane Josef owinjo wechego, pi wang’e noton.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”