Chakruok 31:1 - MUMA MALER 2015

¹ Jakobo nowinjo ni yawuot Laban wacho niya, “Jakobo osekawo gik wuonwa duto, kendo mwandu ma en go oseyudo mana kuom wuonwa.”

Motingʼo Loko Manyien

¹ Jakobo nowinjo ni yawuot Laban ne wacho niya, “Jakobo osekawo gik ma wuonwa nigo duto kendo oseyudo mwandugi duto koa kuom wuonwa.”

Chakruok 31:1 ပူးပေါင်းရင်းမြစ်များ

Chakruok 30:43

Piyopiyo nono Jakobo nodoko jamoko miwuoro. Ne en gi jamni mang’eny gi ngamia kod kenje, kaachiel gi wasumbini ma chuo gi mamon.

Chakruok 31:2

Noneno bende ka Laban koro ok ohere kaka chon.

Chakruok 31:43

Laban nodwoko Jakobo niya, “Nyigo gin nyiga, kendo nyithindogo gin nyithinda; jamnigo bende maga. Gik moko duto ma in go gin maga. To koro datim nyiga gi nyithindgi nadi?

Chakruok 45:13

Nyisuru wuora kaka an gi teko e Misri, bende nyiseuru gik moko duto ma useneno ka, kendo ukele ira piyopiyo.”

Ayub 31:31

Ji duto matiyona ong’eyo malong’o ni pile asebedo ka arwako welo.

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Zaburi 57:4

Anindo e kind sibuoche ma dwaro chamo ji. Lekegi to chalo gi ligangla ma dhoge bith.

Ngeche 14:30

Chuny mokue ema miyo del bedo mangima. Nyiego to chalo adhola ma ketho del.

Ngeche 27:4

Mirima kwiny, kendo ketho gik moko. Nyiego to rach moloyo!

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Isaya 5:14

Emomiyo piny joma otho ong’amo dhoge malach, ka dande oyawore, mondo omwonygo joma ogen kaachiel gi ji mamoko duto, e kinde ma gikokie gi mor.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Ezekiel 16:44

Ruoth Nyasaye ne ochako owacho niya, “Yaye Jerusalem, ji biro goyi ngero kama: ‘Awendo ok we yiere.’

Mathayo 4:8

Eka Satan ne ochako okawe, motere ewi got marabora, monyise pinje duto manie piny, kowuorore kaka gidongo.

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

1 Petro 1:24

En mana kaka Muma wacho ni, “Dhano duto chalo gi lum, kendo duong’ duto ma en-go chalo gi thiepe lum. Lum ner, kendo thiepe two.