Chakruok 3:8 - MUMA MALER 2015

⁸ Adam gi chiege nowinjo Ruoth Nyasaye kawuotho e puodho kar ang’ich welo, mi ne gipondone e yien manie puodho.

Motingʼo Loko Manyien

⁸ Eka Adam kod chiege nowinjo dwond Jehova Nyasaye kawuotho e puodho e seche mag angʼich welo kendo ne gipondo ne Jehova Nyasaye e kind yiende manie puodho.

Chakruok 3:8 ပူးပေါင်းရင်းမြစ်များ

Chakruok 18:33

Kane Ruoth Nyasaye osetieko loso gi Ibrahim noa, mi Ibrahim bende nodok e hembe.

Chakruok 3:10

Adam nodwoke niya, “Aye awinjo kiwuotho e puodho, to luoro nomaka, mi apondo, nikech an duk.”

Ayub 22:14

Iparo ni boche polo motimo rumbi nyalo mone neno, kowuotho e kind polo gi piny?

Ayub 31:33

Ji moko temo pando richogi, an to pok apando maga.

Ayub 38:1

Eka Ruoth Nyasaye nowuoyo gi Ayub gie boche polo, kowacho niya,

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

Hosea 10:8

Kuonde moting’ore ma jo-Israel timoe richo ka gilamo nyisechegi manono ibiro ketho. Kuthe gi buya ema biro twi ewi kendegi mag misango. Ji nowach ni gode niya, “Umwauru!” Kendo giniwach ni pidhe ni, “Ruombreuru kuomwa!”

Tim jo-Lawi 26:12

Anawuoth e dieru koni gi koni, mi nabed Nyasachu, kendo unubed joga.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.

Jo-Rumi 2:15

Mano nyiso ni gima Chik dwaro ondiki e chunygi. Parogi bende nyiso ni mano en adier, nikech seche moko parogi nyisogi ni giseketho, to seche moko parogi onyisogi ni gionge bura.

Rapar mar Chik 23:14

Nyaka utim kamano nikech Ruoth Nyasaye ma Nyasachu wuotho kuonde duto e kambiu, mondo oritu kendo omiu loyo wasiku. Emomiyo kambiu nyaka bed maler, mondo kik Ruoth Nyasaye nwang’ie gimoro marach ma dimi oweu.

Rapar mar Chik 4:33

Bende nitie oganda moro mosewinjo dwond Nyasaye kawuoyo gie mach kaka usewinjo, to kendo pod ngima?

Rapar mar Chik 5:25

To kata kamano, kik wawit ngimawa, nimar mach malich cha nyalo mana wang’owa, mi tiekwa. Kwachako wawinjo dwond Ruoth Nyasaye ma Nyasachwa kendo, to wabiro tho,

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Fweny 6:15

Eka ruodhi mag piny, gi ji madongodongo, gi jotelo mag lweny, gi jomwandu, kod joma rateke, kaachiel gi wasumbini kod joma ni thuolo duto, nopondo e buche kendo e bwo lwendni mag gode.