Chakruok 3:6 - MUMA MALER 2015

⁶ Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Motingʼo Loko Manyien

⁶ Kane dhako oneno ni olemb yien-no ne ber kuom chiemo kendo moro wangʼ kendo nyalo miyo ibed gi rieko, nokawo moko mochamo, to bangʼe nomiyo chwore ma en bende nochame.

Chakruok 3:6 ပူးပေါင်းရင်းမြစ်များ

Chakruok 3:12

To Adam nodwoke niya, “Dhako mane imiya mondo okonya, ema nomiya olemo mondo acham, mi nachamo.”

Chakruok 3:17

Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.

Chakruok 39:7

Bang’ ndalo moko, chi ruodhe norange ka gombe, mowachone niya, “Bi mondo iriwri koda.”

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

1 Ruodhi 13:19

Omiyo nodok kode, mochiemo e ode.

Ayub 31:1

“Ne asesingora ni ok narang nyako moro, mi agombi.

Ezekiel 24:16

“Wuod dhano, abiro mayi ng’at ma ihero moloyo, apoya. To kik ing’ur, kata kik iywagi, kendo pi wang’i kik chuer.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Ezekiel 24:25

“Wuod dhano, abiro mayogi Hekalu motegno mane gisungorego kendo ma miyogi mor, mane gihero rango kendo donjoe. Bende anamagi yawuotgi kod nyigi.

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

1 Timotheo 2:14

Bende ok Adam ema ne owuondi, to Hawa ema nowuondi modoko jaketho.

Joshua 7:21

nikech kane aneno law maber molos Shinar, gi fedha ma pekne oromo kilo ariyo, kod dhahabu ma pekne oromo nus kilo kuom mwandu Jeriko, gombo nomaka, makawogi. Nakunyogi e hemba ka fedha ema akuongo keto e bur.”

1 Johana 2:16

nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.

Jong’ad Bura 14:17

To nosiko koywakne kuom wachno pilepile nyaka ndalo mag nyasi orumo. To chieng’ mar abiriyo mar nyasi, Samson nonyise tiend ngerono, nikech nojoge gi dudo kuom wachno. Bang’e nyakono nodhi monyiso jogi.