Chakruok 3:19 - MUMA MALER 2015

¹⁹ Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Motingʼo Loko Manyien

¹⁹ Inicham chiembi mana kuom luchi, nyaka idog e lowo nikech kanyo ema ne ogolie, nimar in lowo kendo lowo ema nidogie.”

Chakruok 3:19 ပူးပေါင်းရင်းမြစ်များ

Chakruok 18:27

Ibrahim nomedo wacho ni Ruoth Nyasaye niya, “Yie ing’wonna kuom wuoyo kodi kamano, nikech an mana dhano adhana ma ok owinjore wacho gimoro.

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Chakruok 23:4

“An mana wendo, kendo jadak e kindu. Yieuru umiya lowo moromo kar yiko, mondo ayikie ng’ata e yo mowinjore.”

Chakruok 3:18

Enonyagni kuthe gi riegni kod buya, kendo inicham mana alote mae thim.

Chakruok 5:5

Notho ka en jahigni mia ochiko gi piero adek.

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Ayub 10:9

A Nyasaye, par ni ne ichweya kuom lowo, to bende didwoka e lowo adier?

Ayub 19:26

Kata ka tuo oketho denda kamano, to e ringruokni anane Nyasaye.

Ayub 21:26

To kata kamano ji duto tho machalre, mi yiki, kendo kudni nur kuomgi!

Ayub 34:15

to ji duto mangima ditho ka diemo wang’, mi lokre buru kendo.

Ayub 4:19

koro ere kaka dogen dhano ma ochwe mana gi lowo, kendo molos mana gi buru, ma inyalo ng’inyo ka oguyo?

Zaburi 103:14

En ong’eyo gima ochuewago. Ong’eyo ni wan mana buru.

Zaburi 104:23

Dhano to wuok dhi e tichne, kendo tiyo nyaka odhiambo.

Zaburi 104:29

To ka ipandonigi wang’i, to githagore, bende ka igolo muchi kuomgi, to githo, mi gidog e lowo kuma ne giaye!

Zaburi 127:2

Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Zaburi 22:15

Tekra oduono motwo ka balatago, kendo lewa omoko e danda. Iseweya e buru ka ng’ama otho.

Zaburi 22:29

Josunga duto nokulrene. Chutho, ji duto matho nokulre e nyime.

Zaburi 90:3

Idwoko dhano e lowo, kiwacho niya, “Doguru un koth dhano.”

Ngeche 21:16

Ng’at moweyo yor rieko ochiko mana piny joma otho.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 1:3

Ere ohala ma dhano yudo kuom gik moko duto motimo e piny ka?

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Eklesiastes 3:20

Giduto ne gia kuom lowo, kendo kanyo ema ginidogie giduto. Kamano giduto gidhi kama chalre.

Eklesiastes 5:15

Waweyo pinyni gi lwetwa nono, mana kaka ne wabiroe. Kata obedo ni wasetiyo matek, mwayudo mwandu, to onge gimoro amora mwaago.

Daniel 12:2

Ji mang’eny kuom joma osetho biro chier. Moko kuomgi nochier mi yud ngima mochwere, to moko noyud wichkuot kod achaye mosiko.

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

Jo-Efeso 4:28

Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.

1 Jo-Thesalonika 2:9

Owetewa, parieuru kaka ne watiyo matek kwachandore. Kane walandonu Wach Maber mar Nyasaye to ne watiyo odiechieng’ gotieno ni gik mwachando, mondo kik wami ng’at moro kuomu ting’ mapek.

2 Jo-Thesalonika 3:10

Adier, kane wan kodu to ne wamiyou chik ni ka ng’ato ok dwar mondo oti, to kik ochiem.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.