Chakruok 3:18 - MUMA MALER 2015

¹⁸ Enonyagni kuthe gi riegni kod buya, kendo inicham mana alote mae thim.

Motingʼo Loko Manyien

¹⁸ Enonyagni kit kuthe mopogore opogore kendo ibiro chamo alode manie thim.

Chakruok 3:18 ပူးပေါင်းရင်းမြစ်များ

Chakruok 3:17

Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Ayub 1:21

Eka nowacho niya, “Kane awuok ei mama, to ne aonge gi gimoro, kendo chieng’ ma atho, to ok nadog gi gimoro. Ruoth Nyasaye ema ne ochiwo, kendo en ema koro osekawo. Nying Ruoth Nyasaye opaki!”

Ayub 31:40

to ber mondo kuthe gi kayongo ema odong’ie kar cham.” Weche Ayub ogik ka.

Ayub 5:5

Ji modenyo chamo chamb ng’ama ofuwono koda ka mago ma dongo mana e kind kuthe, kendo mwandune miyo nyiego mako joma riyo oloyo.

Zaburi 104:2

kendo iumori gi ler mana kaka ng’ato umore gi law. Ne iyaro polo mana ka hema,

Zaburi 90:3

Idwoko dhano e lowo, kiwacho niya, “Doguru un koth dhano.”

Ngeche 22:5

Obadho kod bugni nie yo ma jaricho luwo, omiyo ka ihero ngimani to bed mabor gi yorno.

Ngeche 24:31

Puothenego notimo kuthe kendo ogawore gi buya. Ohinga mane ochielgigo bende nosemukore.

Isaya 32:13

Kudho kod pedo ema biro gawore e puothe joga, nimar ot ka ot ma yande mor nitie e dalau maduong’, nodong’ nono.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Isaya 7:23

E ndalogo puothe ma yande nitie mzabibu mang’eny ma nengogi tek nolokre bunge mogawore gi kuthe kod pedo.

Isaya 7:24

Ji nodhi kuondego gi asere kod atung’ mana ni mondo odwarie le, nimar piny duto nobed koyugno.

Jeremia 12:13

Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Jeremia 4:3

Ruoth Nyasaye wacho ni jo-Juda gi jo-Jerusalem niya, ‘Paruru puotheu ma mbora, mondo kik uket kodhi e kind kudho.

Mathayo 13:7

Kodhi moko to ne olwar e kind kudho, kendo kudhogo nodongo, mothung’ogi.

Jo-Rumi 14:2

Jomoko nigi yie motegno mamiyogi thuolo mar chamo gimoro amora ma gihero, to joma onge gi yie motegno to chamo mana alot kende.

Jo-Hibrania 6:8

To ka lowono nyago mana kudho kod buya, to ikwane ni oonge ohala. Nyasaye chiegni kuong’e, kendo mach nowang’e mi tieke!

Joshua 23:13

to Ruoth Nyasaye ma Nyasachu ok noriembnugi kendo. Ginibednu mana kaka obadho mochiknu, kata bur mokunynu, kendo ginibednu malit ka del michwadogo otengau, kata ka kuthe ma tucho wengeu. Mano notimrenu nyaka uduto karu lal chuth e piny maber ma Ruoth Nyasaye osemiyouni.