Chakruok 3:16 - MUMA MALER 2015

¹⁶ Eka nowacho ni dhako niya, “Anamedni chandruok ka in gi ich, kendo muoch nokayi kinyuol. Kata kamano inigomb mondo ibed gi chwori, to enobed ng’ama chiki.”

Motingʼo Loko Manyien

¹⁶ Dhako to ne owachone niya, “Anamedni rem malich e kindeni mag nywol; adier ininywol nyithindo gi rem. Dwaroni nobed mana kuom chwori bende enobed gi teko kuomi.”

Chakruok 3:16 ပူးပေါင်းရင်းမြစ်များ

Chakruok 4:7

Kitimo maber, donge diyieni? To kitimo marach, to richo okichore e dhoodi, mondo oloyi. To in nyaka item matek mondo iloye.”

1 Weche mag Ndalo 4:9

Jabez ne ng’at marahuma moloyo owetene duto. Min mare nochake ni Jabez nikech nonywole gi rem malit.

Zaburi 48:6

Luoro gi rem nomakogi kanyo, mana ka dhako ma muoch kayo,

Isaya 13:8

Rem bende noneggi mana ka dhako ma muoch kayo. Ng’ato ka ng’ato nong’i wadgi ka kihondko omako, kendo ka neno awedho.

Isaya 21:3

Kane aneno fwenyno ne apuodora ka rem rama malit, mana ka dhako ma muoch kayo. Gik mane aneno kendo awinjo ne ogoya gi kibaji, mi adhier nono.

Isaya 53:11

Bang’ chandruokne duto enone ler, kendo enong’e malong’o ni osetimo gima kare. Kaka jatichna en ng’at makare, omiyo en bende enomi ji mang’eny bedo joma kare, koting’o richogi.

Jeremia 13:21

Unuwach ni ji ang’o ka joma yande uparo ni osiepeu ema koro oket e wiu ka jotendu? Ubiro bedo gi rem mana ka dhako ma muoch kayo!

Jeremia 22:23

Un joma odak Lebanon, moloso kuonde dakgi e yiend sida, unuywag manade ka rem malit ka rem mar muoch ochopo kuomu!”

Jeremia 4:31

Ne awinjo ywak ka mar dhako ma muoch kayo. Ee, mana kaka mar dhako ma hango nywol. Kara ne en mana dwond Jerusalem, ma gamo yueyo, kendo orieyo bade kawacho niya, “Arumo! Chunya dwaro a, nikech jonek lwora mondo onega.”

Jeremia 49:24

Jo-Damaski osedoko manyap, kendo gisewichore mondo giring ka kihondko omakogi. Piny ochamogi kendo giwinjo rem mana ka dhako ma muoch kayo.

Jeremia 6:24

To un jo-Jerusalem uwacho niya, “Wasewinjo wachno, mi thudhno omako luetewa. Kibaji goyowa mana ka dhako ma muoch kayo.

Kwan 30:13

“Chwor dhako nyalo guro kata ketho singruok kata kuong’ruok ma chiege dwaro sandorego.

Johana 16:21

Ka dhako muoch kayo to en gi rem malit kod kuyo, nikech kinde mar nyuol osechopo,. To ka osenywolo nyathi, to koro ok opar rem gi kuyo mane engo nikech koro omor ni osenywolo dhano e piny.

1 Jo-Korintho 11:3

To adwaro ni mondo ung’e ni wi dichwo ka dichwo en Kristo, kendo wi dhako en dichwo, to wi Kristo en Nyasaye.

1 Jo-Korintho 14:34

Mon to mondo oling’ e chokruok mana kaka obet e chokruok duto mag jo-Kristo. Ok oyienigi wuoyo, mana kaka Chik Musa bende wacho.

1 Jo-Korintho 7:4

Dhako ok oloyo ringre owuon, to mak mana chwore ema oloyo. Kamano, dichwo bende ok oloyo ringre owuon, to mak mana chiege ema oloyo.

Jo-Kolosai 3:18

Un mon, winjuru chwou, nimar mano e gima joma obedo kuom Ruoth onego tim.

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

1 Timotheo 2:13

nikech Adam ema nochue mokwongo, eka ochue Hawa.

1 Timotheo 2:15

To kata kamano, dhako noyud resruok e yor nywolo nyithindo, ka osiko e yie gi hera gi puodhruok kod ritruok.

Tito 2:5

kendo obed joma oritore, mangimagi ler, bende ma rito utgi maber. Nyaka gibed mon mang’won kendo moluoro chwogi, mondo Wach Nyasaye kik yany.