Chakruok 3:15 - MUMA MALER 2015

¹⁵ Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Motingʼo Loko Manyien

¹⁵ Kendo anaket sigu e kindi gi dhako, kendo e kind kothe gi kothi; en noto wiyi, to in to nika ofunj tiende.”

Chakruok 3:15 ပူးပေါင်းရင်းမြစ်များ

Chakruok 49:17

Dan nobed ka thuol man e dier yo, thuol man gi kwiri mager, ma kayo ombong’ faras, mi ng’at moidhe podho gi ka ng’eye.

Zaburi 132:11

Ne ikuong’orine matek ahinya, kendo ok nilokri. Ne iwachone niya, “Abiro keto wuodi moro ruoth, kendo enorit piny bang’i.

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Daniel 9:26

to e gikone, ng’at ma Nyasaye oseyiero noneg kayiem. Oganda lweny mar jatelo moro nobi, mi keth Jerusalem gi Hekalu. To giko nobi ma mwomore ka ohula, kendo lweny gi masira nobedie mana kaka Nyasaye nochiko.

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Mika 5:3

Kuom mano, Ruoth Nyasaye biro weyo joge e lwet wasikgi nyaka dhako ma muoch kayo nywol wuode. Bang’e jowete wuowino modong’ mak otho e tuech, noduogi mi chak riwre gi jowetegi.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Mathayo 1:25

to ne ok oriwore kode nyaka onywolo wuode. Josef nochako wuowino ni Yesu.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Mathayo 13:38

to puodho e piny. Kodhi mabeyo to en joma oyie Loch Polo, to ogolo e joma luwo Satan,

Mathayo 23:33

Un thuonde ma koth thuonde marichogi! Ere kaka uparo ni dutony e kum mar mach mak tho?

Mathayo 3:7

To kane Johana oneno jo-Farisai gi jo-Sadukai mathoth kabiro ire, nowachonigi niya, “Un nyithind thuonde! En ng’a mane onyisou ni mondo uring utony e kum mabiro?

Mariko 16:18

bende ka gimako thuonde, kata kapo ni gimadho kwiri moro marach, to ok ginihinyre ngang’! Giniket lwetgi kuom joma tuo, mi changi.”

Luka 1:76

To in nyathina, noluongi ni, janabi mar Ng’ama Duong’ Moloyo. Initel nyim Ruoth mondo ilosne yo,

Luka 10:19

To ng’euru ni asemiyou teko duto mag Jasigu, kendo onge gima nohinyu ngang’!

Luka 22:53

Pile ne an kodu e Hekalu, to ne ok umaka. To koro ma e sa maru, ka teko mar mudho tiyo.”

Luka 24:27

Bang’ mano, Yesu nonyisogi weche mane jonabi duto ondiko.

Johana 8:44

Un nyithind wuonu ma en Satan, kendo uhero timo gik ma en ema odwaro. Nyaka a chakruok en osebedo mana janek, kendo ok odwar adiera nikech adiera onge e iye. Ka owacho miriambo, to oluwo mana kite owuon, nikech en jamriambo, kendo en e wuon miriambo duto.

Tich Joote 13:10

mowachone niya, “Yaye, in wuod Satan! In jasik gik moko duto mabeyo! Ipong’ gi timbe duto mag miganga, kendo pile itemo loko adiera mag Nyasaye obed mag miriambo!

Jo-Rumi 16:20

Piyopiyo nono Nyasach kue biro miyo unyon Satan gi tiendu. Ng’wono mar Ruodhwa Yesu obed kodu.

Jo-Rumi 3:13

“Dhogi chalo gi bur mong’amo dhoge, kendo giwacho mana miriambo lilo.” “Wechegi chalo gi kwich thuond rai.”

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Jo-Efeso 4:8

Mano emomiyo Muma wacho niya, “Kane oidho malo, nodhi kotelo ni joma omako e lweny, kendo nopogo ni ji mich.”

Jo-Kolosai 2:15

To bende e msalabano ema ne Kristo omayoe joloch kod joteko teko duto mane gin go, kendo koselocho to nomiyogi wichkuot, kosembogi e lela ka wasumbe mondo ji onegi.

Jo-Hibrania 2:18

Kaka koro en owuon osekadho e tem mar neno masira, omiyo koro onyalo konyo jogo mitemo.

Jo-Hibrania 5:7

E ndalo mane Yesu odak e pinyni ka dhano, ne olemo, kendo osayo Nyasaye mane nyalo rese e tho, ka oywak malit, kendo pi wang’e chuer. Nyasaye nowinjo ywakne nikech dembruokne.

1 Johana 3:10

Pogruok manie kind nyithind Nyasaye gi nyithind Satan ong’ere kama: Ng’at ma ok tim gima kare, kata ma ok ohero wadgi, ok en nyathi Nyasaye.

1 Johana 3:8

To ng’at matimo richo en ng’at Satan, nikech Satan osiko katimo richo nyaka a chakruok. To Wuod Nyasaye nofwenyore mana ni mondo otiek Satan.

1 Johana 5:5

Ere ng’ama oloyo piny? Ng’ama oloyo piny en mana ng’ama oyie ni Yesu Kristo en Wuod Nyasaye.

Fweny 12:17

Kuom mano, thuol nokecho gi dhakono, mi odhi mondo oked gi nyithind dhakono modong’, marito chik Nyasaye, kendo mahulo ni giyie kuome,

Fweny 13:7

Bende noyiene mondo oked gi jo-Nyasaye kendo ologi, kendo ne omiye teko kuom dhoudi duto.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.