Chakruok 3:14 - MUMA MALER 2015

¹⁴ Eka Ruoth Nyasaye nowacho ni thuol niya, “Gima isetimoni, omiyo okuong’i moloyo jamni duto, kendo moloyo le duto. Inilag gi bund iyi, kendo inicham lowo, ndalo duto mag ngimani.

Motingʼo Loko Manyien

¹⁴ Kuom mano Jehova Nyasaye nowacho ne thuol niya, “Nikech isetimo ma, “Okwongʼi moloyo le duto kendo gige buya duto! Ibiro lak gi bund iyi kendo ibiro chamo buru, ndalo duto mag ngimani.

Chakruok 3:14 ပူးပေါင်းရင်းမြစ်များ

Chakruok 3:1

Thuol ne riek moloyo le duto mane Ruoth Nyasaye osechueyo. Nopenjo dhako niya, “Bende en adieri ni Nyasaye nowacho ni kik ucham olemb yath moro amora manie puodhoni?”

Chakruok 4:11

Omiyo koro in ng’ama okuong’, kendo oriemb e lowo ma nong’amo dhoge, momadho remb owadu misechwerono.

Chakruok 9:6

“Ng’at monego dhano, en bende nyaka nege, nikech Nyasaye nochueyo dhano e kite owuon.

Zaburi 72:9

Ogendini modak e piny motwo nokulre e nyime, kendo wasike noriere piny tir kobolore.

Isaya 29:4

Nadwoki piny, mi iwuo mana gie lowo, kendo wecheni nowuog mana e buru. Duondi nochal gi dwond ng’at ma jajuogi, ma dwonde pilore ka wuok piny.

Isaya 65:25

Ondiek kod rombo nokwa kaachiel kendo sibuor nocham lum mana ka dhiang’ Thuol to nocham mana lowo. Onge gima nohiny ng’ato kata ma noketh gimoro e gode maler duto. An Ruoth Nyasaye ema awacho kamano.”

Tim jo-Lawi 20:25

omiyo un bende nyaka upog le michamo gi le makuero kod winy michamo gi winy makuero. Kik udok mogak nikech le kata winy, kata gimoro amora mamol, nimar aseketo pogruok e kindu kodgi, ka ahulonu ni gin gik makuero.

Mika 7:17

Gininang’ lowo mana ka thuol, kendo giniwuog kuonde ma gipondoe mana ka gik malak piny. Giniduog ir Ruoth Nyasachwa ka giluor kendo ka gitetni.