Chakruok 3:13 - MUMA MALER 2015

¹³ Eka Ruoth Nyasaye nopenjo dhako ni, “Ang’o momiyo nitimo kamano?” Nodwoke niya, “Thuol ema nowuonda, machamo olemono.”

Motingʼo Loko Manyien

¹³ Eka Jehova Nyasaye nopenjo dhako niya, “Ma en angʼo ma isetimo?” Dhako nodwoke niya, “Thuol nowuonda, mi achamo olemo.”

Chakruok 3:13 ပူးပေါင်းရင်းမြစ်များ

Chakruok 12:18

Kuom mano Farao noluongo Abram, mopenje niya, “Ang’o momiyo isetimona kama? Ere gima omiyo ne ok inyisa ni Sarai en chiegi?

Chakruok 44:15

Josef nopenjogi niya, “Ang’o musetimoni? Donge nung’eyo ni ng’atno maduong’ ka an nyalo koro wach, mong’e gima usetimo?”

2 Samuel 3:24

Abner nodhi ir ruoth, mopenje niya, “En ang’o misetimo? Awinjo ni Abner nobiro iri. Marang’o imiye thuolo mondo odhi, momiyo koro otony?

1 Ruodhi 13:18

Janabi motino nowuonde, kawachone niya, “An bende an janabi kaka in, kendo malaika osekelona wach Ruoth Nyasaye ni mondo abi aomi, wadhi e oda, ichiem.”

Tim jo-Lawi 12:5

To ka onywolo nyathi manyako, to nobed mogak kuom ndalo apar gang’wen, mano kaka obedo mogak ka en e due. Bang’ mano nyaka orit kuom ndalo piero auchiel gauchiel mondo rembe opwodhre.

Jona 1:10

Kane giwinjo kamano, ne gidoko maluor ahinya, mi giwacho niya, “Mano kaka isetimo gima rach!” Ne giwacho kamano, nimar ne giseng’eyo ni Jona ringo a e wang’ Ruoth Nyasaye, nikech noyudo osewachonigi.

Johana 18:35

Pilato nodwoke niya, “Iparo ni an ja-Yahudi koso? Donge jou gi jodolou madongo ema osekeli e nyima? Nyisa ane gima isetimo!”

Jo-Rumi 7:11

nikech richo noyudo thuolo ma Chik okelo, mi owuonda, kendo onega.

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

1 Timotheo 2:14

Bende ok Adam ema ne owuondi, to Hawa ema nowuondi modoko jaketho.

1 Samuel 13:11

Samuel nopenje niya, “En ang’o misetimoni?” Saulo nodwoke niya, “Naneno ka ji ke a kuoma, to bende in ne ok ibiro kaka ne ichiko, kendo jo-Filistia chokore Mikmash.

1 Samuel 15:15

Nodwoke niya, “Gin rombe gi dhok mabeyo mag jo-Amalek, mane ji oweyo mak onego, mondo gitimgo misango ni Ruoth Nyasaye ma Nyasachi. To moko duto wasenego pep.”