Chakruok 28:4 - MUMA MALER 2015

⁴ Onego oguedhi kendo oguedh nyikwayi kaka noguedho Ibrahim, mondo ikaw piny ma koro idakie. En e piny mane Nyasaye omiyo Ibrahim.”

Motingʼo Loko Manyien

⁴ Mad ogwedhi kod nyikwayi kaka nogwedho Ibrahim mondo ikaw piny makoro idakieni kaka jadak, ma en piny mane Nyasaye omiyo Ibrahim.”

Chakruok 28:4 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 15:8

To Abram nopenje niya, “A Ruoth Nyasaye, ere kaka anyalo ng’eyo ni pinyni nobed mara?”

Chakruok 27:33

Isaka nobwok kendo okirni ahinya, mopenje niya, “To kara macha nende ng’a, mane onego le, mokelona, nende achamo ring’ono kapok ibiro, mi aguedho ng’atno, kendo guethno osiko.”

Chakruok 37:1

Jakobo nomedo dak e piny Kanaan kuma ne wuon mare odakie.

1 Weche mag Ndalo 29:15

Wan mana welo kendo jodak e nyimi, kaka kwerewa bende nobet. Ndalowa e piny ka, chalo gi tipo makadho, kendo waonge kar dak mosiko.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Zaburi 72:17

Wich kik wil gi nyinge, kendo humbe mondo osiki nyaka chieng’. Ogendini duto mondo opake, kendo onego ji duto kwa Nyasaye mondo oguedhgi kaka oseguedho ruoth.

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Jo-Galatia 3:14

Gigo notimore kamano mondo gueth mane Nyasaye osingore ni Ibrahim obi ni joma ok jo-Yahudi kuom Kristo Yesu, kendo mondo wayud Roho mane Nyasaye osingore ni nochiw ni joma oyie.

Jo-Galatia 3:8

Muma wuoyo kuom Ibrahim niya, “Kuomi ema Nyasaye nogwedhie ogendini duto mag piny.” Kamano ne onyise Wach Maber chon ni Nyasaye nomi joma ok jo-Yahudi bed e winjruok kode kuom yie.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.