Chakruok 28:16 - MUMA MALER 2015

¹⁶ Eka Jakobo nochiew mowacho niya, “Adier, kara Ruoth Nyasaye nika, to ok ang’eyo!”

Motingʼo Loko Manyien

¹⁶ Kane Jakobo ochiewo oa e nindo, noparo niya, “Adier Jehova Nyasaye nika kendo ne ok angʼeyo.”

Chakruok 28:16 ပူးပေါင်းရင်းမြစ်များ

1 Ruodhi 3:15

Eka Solomon nochiew, moyudo ni kara en mana lek. Nodok Jerusalem, mochung’ e nyim Sandug Muma mar Ruoth Nyasaye, kotimo misengni miwang’o pep kod mag sawo, kendo noloso ni jotichne duto sawo maduong’.

Ayub 33:14

Kata obedo ni Nyasaye wuoyo e yore mathoth, to onge ng’ama dewo winjo gima owacho.

Ayub 9:11

Nyasaye kadho machiegni to ok anyal nene.

Zaburi 139:7

Ka da bed ni adwaro ringo Roho mari, to ere kuma dapondie?

Zaburi 68:35

Mano kaka Nyasach Israel lich e Hekalu mare! Ochiwo teko gi loch ni joge. Pakuru Nyasaye.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 3:4

To kane Ruoth Nyasaye oneno kosudo machiegni, noluonge gie chuny bungu niya, “Musa! Musa!” Musa to nodwoke ni, “An ka.”

Wuok 3:5

Nyasaye nowachone niya, “Kik imed sudo machiegni, to lony wuocheni, nikech kama ichung’ieno en kama ler.”

Isaya 8:13

Ruoth Nyasaye Manyalo Gik Moko Duto, ema nyaka ikwan ni ler. En ema nyaka imiye luor, kendo en ema nyaka kibache goyi.

Jeremia 31:26

Kuom mano ji nowach niya, ‘Nindo noterowa, to ka ne wachiew ne wanwang’o ka chunywa oduogo.’

Kwan 12:6

kendo kane gibiro e nyime, nowachonigi niya, “Winjuru wechena: Ka de ni Musa en mana janabiu, to dafwenyorane, kendo dawuoyo kode e lek.

Joshua 5:13

Kane Joshua ochopo machiegni gi Jeriko, noneno ng’at mochung’ e nyime, koting’o ligangla, Joshua nodhi ire, mopenje niya, “In jakorwa, koso jasikiwa?”

Joshua 5:15

Jaduong’ jolweny mag Ruoth Nyasaye nodwoke niya, “Lony wuocheni nimar kama ichung’ieno en kama ler.” Mi Joshua notimo kamano.