Chakruok 27:2 - MUMA MALER 2015

² Eka Isaka nowachone niya, “Asedoko moti kendo ok ang’eyo sa thona.

Motingʼo Loko Manyien

² Isaka nowacho niya, “Koro asedoko moti kendo ok angʼeyo ndalo thona.

Chakruok 27:2 ပူးပေါင်းရင်းမြစ်များ

Chakruok 27:3

Omiyo kaw atung’ gi asere mondo idhi e thim, inegna le.

Chakruok 47:29

Kane kinde mar thone ochopo machiegni, noluongo Josef wuode, nowachone niya, “Yie iket lweti e kind ema, kikuong’orina ni inibedna jaadiera, kendo ni initimna maber, mi ok niyika Misri.

Chakruok 48:21

Eka Israel nowacho ni Josef niya, “Ne! An to koro atho, to Nyasaye nobed kodu, kendo nodwoku e piny kwereu.

Ngeche 27:1

Kik isungri ni gima pok ineno, nikech ok ing’eyo gima biro timore.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 38:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owacho ni mondo ilam mwanduni ni yawuoti, nimar ibiro tho, ok nikwo.”

Isaya 38:3

“A Ruoth Nyasaye asayi; parie kaka asewuotho e nyimi gi adiera kod chuny mobidhore, ka atimo gik malong’oni.” Eka ne oywak malit!

Mariko 13:35

Kamano, un bende nenuru, nikech ok ung’eyo sa ma wuon ot biroe. Onyalo biro godhiambo, kata dier otieno, kata kogwen, kata gokinyi.

Jakobo 4:14

Ukia gima kiny notimre kiny! Uparo ni ngimau en ang’o? Donge un mana ong’ueng’o mineno kuom kinde matin, to bang’e lal nono?

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”