Chakruok 26:7 - MUMA MALER 2015

⁷ Jo-Gerar nopenjo Isaka ka Rebeka en chiege, to nowuondogi ni en nyamin mare. Noparo ni dipo ka ginege konyisogi ni Rebeka en chiege, nikech ne en dhako ma jaber ahinya.

Motingʼo Loko Manyien

⁷ Kane jo-Gerar openje kuom chiege, nowachonegi niya, “En nyamera, nikech noluoro wachonegi ni en chiega. Nowachonegi kamano nikech noparo ni jo-Gerar nyalo nege nikech Rebeka ne en dhako ma jaber.”

Chakruok 26:7 ပူးပေါင်းရင်းမြစ်များ

Chakruok 12:11

Kane ochiegni chopo Misri, nowacho ni Sarai chiege niya, “Ng’e ni in dhako ma jaber,

Chakruok 12:13

Emomiyo yie inyisgi ni in nyamera, mondo kik ginega to gitimna maber nikech in.”

Chakruok 12:15

Jodong Farao, ruodh Misri, noneno Sarai, mi ne giwuoro berne ni Farao. Eka ne gitere e od ruoth.

Chakruok 20:11

Ibrahim nodwoke niya, “Naparo ni onge joma oluoro Nyasaye e pinyni, omiyo nagalo ni ginyalo nega mondo gikaw chiega.

Chakruok 20:2

Nowuondo jo-Gerar ni Sara ma chiege en nyamin mare, omiyo Abimalek ruodh Gerar nooro joote moomone Sara.

Chakruok 20:5

Donge Ibrahim owuon ema nonyisowa ni Sara en nyamin mare, to Sara bende nosire kowacho ni en owadgi? Omiyo natime ratiro kakia gima rachie.”

Chakruok 24:16

Ne en nyako silili ma jaber, mapok ong’eyo dichwo. Nolor e soko, motwomo pi, eka oduogo.

Chakruok 26:6

Kuom mano Isaka nomedo dak Gerar.

Chakruok 26:8

Chieng’ moro kane gisedak kuno kuom kinde mogwarore, Abimelek ma ruodh jo-Filistia nong’icho gie dirisa, moneno ka Isaka gi Rebeca jotugo.

Chakruok 29:17

Lea ne ok jaber gi ka wang’e, to Rahel ne nigi chia, kendo nojaber.

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Jo-Efeso 5:25

Un chwo, heruru mondu mana kaka Kristo nohero kanyakla mar joma oyie kuome, mochiwo ngimane nikech en.

Jo-Kolosai 3:9

Kik ng’ato wuond wadgi, nimar uselonyo dhano machon gi timbene,