Chakruok 26:31 - MUMA MALER 2015

³¹ Kinyne gokinyi ne gitimo winjruok gi Isaka. Eka Isaka noweyogi, mi gia gi kue.

Motingʼo Loko Manyien

³¹ Kinyne gokinyi mangʼich negisingore ka gikwongʼore ngʼato gi ngʼato. Eka Isaka nogonyogi ma gidhi gi kwe.

Chakruok 26:31 ပူးပေါင်းရင်းမြစ်များ

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 19:2

Nowachonigi niya, “Jodongo, yieuru uraw e oda mondo uluok tiendu, kendo unindi. Eka kiny unyalo wuok gokinyi.” To ne gidwoke niya, “Ooyo, wabiro nindo mana e laru ka.”

Chakruok 21:14

Ibrahim nochiew gokinyi, momiyo Hagar chiemo kod puga mar pi. Eka noketo nyathi e gok Hagar, mogole odhi. Hagar nowuok modhi, kendo notho wuotho awuotha e thim Beer-sheba.

Chakruok 21:23

Omiyo koro kuong’rina gi nying Nyasaye ni ok nitimna gimoro marach kata ni nyithinda kata ni nyikwaya. Kaka asetimoni maber, e kaka in bende onego itimna maber, kendo ni piny ma koro idakie.”

Chakruok 21:27

Eka Ibrahim nomiyo Abimelek nyirombe gi dhok, mi ne gitimo winjruok.

Chakruok 22:3

Kuom mano Ibrahim nochiew gokinyi mang’ich. Nogawo kanje, kendo nobaro yien ma nodhi wang’ogo misango. Eka nowuok gi Isaka wuode, kod jotichne ariyo, ka gichomo kuma Nyasaye nosewachone.

Chakruok 25:33

To Jakobo nodwoke niya, “Kuong’rina mondi, ni ibiro miya duong’ni mar nywol.” Mi Esau nokwong’orene, momiye duong’ne mar nywol.

Chakruok 26:32

Chieng’onogo ema jotich Isaka nobiroe ire, monyise ni gisekunyo soko, kendo giyudoe pi.

Chakruok 31:44

Watim winjruok, kendo wachok kite mondo obed rapar e kindwa kodi.”

Chakruok 31:55

Kinyne Laban nogoyo ni nyige gi nyikwaye oriti, mi noa modok dala.

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

1 Samuel 14:24

Jo-Israel nool ahinya chieng’no nikech Saulo nosekwerogi niya, “Okuong’ jalo mochamo gimoro kapok piny oyuso, kendo kapok atieko chulo kuor kuom wasikwa.” Kamano ne onge ng’ato kuomgi mane obilo gimoro.

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

1 Samuel 30:15

Daudi nokone ni, “Diyie itera ir jogo?” Nodwoke niya, “Kuong’rina e nying Nyasaye ni ok ninega, kendo ok nichiwa e lwet ruoth ma natiyone, eka dateri ir jogo.”