Chakruok 26:3 - MUMA MALER 2015

³ Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Motingʼo Loko Manyien

³ Dag kae matin, kendo abiro bedo kodi mi agwedhi. Nimar in kod nyikwayi abiro miyou pinyni kendo nachop singruok mane atimo gi wuonu Ibrahim.

Chakruok 26:3 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 13:15

nimar piny duto minenono abiro miyi gi nyikwayi nyaka chieng’.

Chakruok 13:17

Koro ikri mondo iwuoth kuonde duto e pinyni, nikech amiyigo duto.”

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 17:19

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 20:1

Ibrahim noa Mamre e piny Kanaan, kawuotho matintin nyaka nochopo milambo mar pinyno, modak Gerar e kind Kadesh gi Shur.

Chakruok 25:11

Bang’ tho Ibrahim, Nyasaye noguedho Isaka wuode, mane oyudo odak but soko miluongo ni Beer-lahai-roi.

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Chakruok 26:14

Nyiego nomako jo-Filistia kod Isaka, nikech ne en gi rombe kod dhok mathoth, kaachiel kod wasumbini mang’eny.

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 28:15

Anabed kodi, kendo anariti kamoro amora midhiye, nyaka adwoki e pinyni. Ok naweyi ka pok atimoni gima asewachoni.”

Chakruok 31:3

Bang’e Ruoth Nyasaye nowacho ni Jakobo niya, “Dogi e pinyu ir oweteni, abiro bet kodi kuno.”

Chakruok 35:12

Piny mane amiyo Ibrahim gi Isaka ema namiyi gi nyikwayi.”

Chakruok 39:2

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

Chakruok 39:21

Ruoth Nyasaye ne ni kode, mokeche, omiyo jaduong’ od twech nohere,

Chakruok 48:21

Eka Israel nowacho ni Josef niya, “Ne! An to koro atho, to Nyasaye nobed kodu, kendo nodwoku e piny kwereu.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

1 Weche mag Ndalo 16:16

mane otimo ni Ibrahim. Bende noparo kuong’ruok mane okuong’orego ni Isaka,

Zaburi 105:8

Obiro rito singruokne nyaka chieng’ kuom tienge gana gi gana.

Zaburi 105:9

En singruok mane otimo ni Ibrahim, kendo mane otimo ni Isaka.

Zaburi 32:8

Ruoth Nyasaye wacho niya, “Abiro nyisi yo ma onego iluw. Adier, abiro puonji kendo abiro ng’adoni rieko.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Wuok 2:24

kendo nowinjo ng’urgi, mi noparo singruok mane otimo gi Ibrahim gi Isaka kod Jakobo.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Wuok 6:8

Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Rapar mar Chik 1:8

Aseikonu pinyno, omiyo dhiuru mondo ukawe. En e piny mane Ruoth Nyasaye osingore ni nomi kwereu ma Ibrahim gi Isaka gi Jakobo kod nyikwagi.’

Rapar mar Chik 34:4

Ruoth Nyasaye nowachone niya, “Ma e piny mane asingora ni Ibrahim gi Isaka kod Jakobo ni nami nyikwagi. Asenyisigo mondo inene gi wang’i, to kata kamano, ok niidh loka, midonjie.”

Jo-Filipi 4:9

Timuru gik moko duto mane apuonjou, kendo uyudo kuoma, bende ma usewinjo ka awacho kata ka atimo. Eka Nyasach kue nobed kodu.

Jo-Hibrania 11:9

Yie ema nomiyo odak mana ka jadak e piny ma ok mare, kata obedo ni ne en piny mane Nyasaye osingore ni nomiye. Ne odak e hema, mana kaka Isaka kod Jakobo bende nodak. Gin bende Nyasaye nosesingorenigi kamano.

Jo-Hibrania 6:17

Mano emomiyo Nyasaye ne oguro singruokne kokonyore gi kuong’ruok, nikech ne odwaro ni mondo jogo mane onego oyud gik mane osingorenigi ong’e malong’o ni gima ochano timo ok nyal lokore.