Chakruok 26:28 - MUMA MALER 2015

²⁸ Ne gidwoke niya, “Koro wasefwenyo ni Nyasaye ni kodi, omiyo wadwaro ni mondo watim kodi winjruok kwakuong’ore. Wadwaro ni mondo isingrinwa,

Motingʼo Loko Manyien

²⁸ Negidwoke niya, “Koro wasefwenyo ratiro ni Jehova Nyasaye neni kodi, omiyo wadwaro mondo watim kodi winjruok kwakwongʼore. Yie watim winjruok kodi

Chakruok 26:28 ပူးပေါင်းရင်းမြစ်များ

Chakruok 24:3

Adwaro ni mondo ikuong’rina e nyim Ruoth Nyasaye ma Nyasach polo gi piny ni ok ninywom ni wuoda nyar piny Kanaan madakieni,

Chakruok 24:41

Kitimo kamano to muma mitimoni ok nomaki. To bende kidhi ir owetenago, mi gitamore ni ok nyargi bi kodi, to kuong’ruokni ok nomaki.’

Chakruok 31:44

Watim winjruok, kendo wachok kite mondo obed rapar e kindwa kodi.”

Chakruok 39:3

Ruodheno noneno ka Ruoth Nyasaye ni kode, kendo guedhe e gik moko duto motimo.

Chakruok 39:5

Chakre kanyo, Ruoth Nyasaye noguedho gik moko duto mane nie od ja-Misrino, kod mago duto mane ni e puothene, mana nikech Josef.

2 Weche mag Ndalo 1:1

Solomon wuod Daudi nogurore e tich ruoth e pinye. Ruoth Nyasaye ma Nyasache ne ni kode, kendo nomiye duong’ ahinya.

2 Weche mag Ndalo 15:9

Nochoko jo-Juda gi jo-Benjamin duto gi jodak ma jo-Efraim gi Manase kod Simeon, nimar ji mang’eny noseweyo Israel mobiro ire ka gineno ni Ruoth Nyasaye ma Nyasache ni kode.

Isaya 45:14

Ruoth Nyasaye owacho niya, “Jotich mag Misri gi joohala mag Nubia kod jo-Sabea ma roboche nobed e bwo lochu, mi lokre wasumbu. Adier, ginibi iru kotuegi gi nyororo, mi gikulrenu ka gimiyou duong’, kendo ka giwacho niya, ‘Chutho Nyasaye ni kodu, kendo Nyasaye moro onge. En kende e Nyasaye.’ ”

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Isaya 61:9

Nyikwau nong’ere, kendo noyud duong’ e kind ogendini. Ji duto monenogi nong’e ni un oganda ma Nyasaye oguedho.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

1 Jo-Korintho 14:25

Eka paro maling’ling’ manie chunye elore e lela, mi opodho piny auma, kolamo Nyasaye kendo ohulo niya, “Adier, Nyasaye ni kodu!”

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

Joshua 3:7

Ruoth Nyasaye nowacho ni Joshua niya, “Tinendeni abiro chako miyi bedo gi duong’ e nyim jo-Israel duto kendo gining’e ni abedo kodi mana kaka nabedo gi Musa.

1 Samuel 11:1

Bang’ due achiel, Nahash ja-Amon nodhi molworo Jabesh-gilead mondo okaw. Omiyo jo-Jabesh duto nowacho ni Nahish niya, “Tim kodwa winjruok, mondo wabed jogi.”

1 Samuel 18:28

To kane Saulo oneno malong’o kaka Ruoth Nyasaye ni kod Daudi, kendo kaka jo-Israel duto ohere,