Chakruok 26:22 - MUMA MALER 2015

²² Nodar oa kanyo, mokunyo soko machielo ma koro ne ok gidhawie. Nowacho niya, “Koro Ruoth Nyasaye osemiyowa thuolo e pinyni, kendo wabiro medore.” Kuom mano nochako nying sokono ni Rehoboth, (tiende ni, thuolo moromowa).

Motingʼo Loko Manyien

²² Nodar kanyo modhi kendo odhi okunyo soko machielo, kendo onge ngʼama nolaro kode. Nochake ni Rehoboth (tiende ni thuolo moromowa), kowacho niya, “Koro Jehova Nyasaye osemiyowa thuolo kendo wabiro medore e piny.”

Chakruok 26:22 ပူးပေါင်းရင်းမြစ်များ

Chakruok 17:6

Anamiyi nyikwayo mathoth, mi ginidok ogendini madongo, kendo jomoko kuomgi nobed ruodhi.

Chakruok 26:21

Eka jotichne nokunyo soko moro, to kanyo bende ne gidhawie, mi nochako nyinge ni Sitna, (Tiende ni, sadha).

Chakruok 28:3

Nyasaye Manyalo Gik Moko Duto oguedhi, kendo omiyi nyithindo mang’eny, mondo chieng’ moro idok wuon ogendini mathoth.

Chakruok 41:52

Nowacho bende niya, “Nyasaye osemiya nyithindo e piny ma nachandorae.” Omiyo nochako wuode mar ariyo ni Efraim, (tiende ni, omiya nyithindo).

Zaburi 118:5

Kane an e thagruok, to ne aywak ni Ruoth Nyasaye. Ne odwoka, mi ogonya abedo thuolo.

Zaburi 119:32

Abiro rito chikeni gi chunya duto, nikech ibiro meda rieko.

Zaburi 18:19

Ne ogola e chandruok, mi abedo thuolo. Noresa nikech nomor koda.

Zaburi 4:1

A Nyasaye ma jaritna, yie idwoka ka aluongi. Kane anie thagruok, to in ema ne ikonya. Koro chak ikecha, kendo iwinj ywakna!

Wuok 1:7

To jo-Israel nonywolo nyithindo mang’eny, mi ginya ahinya, kendo ne gipong’o piny, nyaka ne gibedo oganda maratego.

Isaya 54:2

Med odi, obed maduong’. Adier, yar rageng’ mag hembi malach, bende tud tondene obed maboyo, kendo igur loyene obed motegno,

Isaya 54:3

nimar ibiro nya kuonde duto, kendo nyikwayi noma ogendini pinjegi, mi gidag e mier ma koro owe gundni.