Chakruok 26:14 - MUMA MALER 2015

¹⁴ Nyiego nomako jo-Filistia kod Isaka, nikech ne en gi rombe kod dhok mathoth, kaachiel kod wasumbini mang’eny.

Motingʼo Loko Manyien

¹⁴ Ne en kod pith mag jamni kod pith mag dhok kod jotich mangʼeny mi nyiego nomako jo-Filistia kode.

Chakruok 26:14 ပူးပေါင်းရင်းမြစ်များ

Chakruok 12:16

Farao norito Abram maber nikech Sarai, kendo nomiye rombe gi diek gi dhok gi kenje gi wasumbini kod ngamia.

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

Chakruok 24:35

Ruoth Nyasaye oseguedho ruodha ahinya, mi osedoko ng’ama duong’. Osemiye rombe gi diek kod dhok mang’eny, kod fedha gi dhahabu, kaachiel gi wasumbni machwo gi mamon, kod ngamia gi kanje.

Chakruok 25:5

Ibrahim nosemiyo Isaka mwandune duto,

Chakruok 30:43

Piyopiyo nono Jakobo nodoko jamoko miwuoro. Ne en gi jamni mang’eny gi ngamia kod kenje, kaachiel gi wasumbini ma chuo gi mamon.

Chakruok 37:11

Nyiego nomako owete Josef kode, to wuon mare nosiko kaparo wachno.

Ayub 1:3

kendo ne en gi rombe alufu abiriyo gi ngamia alufu adek gi dhok alufu achiel kod kenje mia abich. To bende ne en gi jotich mogundho. Kamano ne en ng’at momewie moloyo ji duto ma nodak e pinje man yo wuok chieng’.

Ayub 42:12

Achien Ruoth Nyasaye noguedho Ayub moloyo kaka noseguedhe e ndalo mokwongo. Ayub koro ne nigi rombe alufu apar gang’wen, gi ngamia alufu auchiel gi dhok alufu ariyo, kod kenje alufu achiel. Ne en gi yawuowi abiriyo gi nyiri adek.

Ayub 5:2

Sadha nego ng’ama onge rieko, kendo mirima kelo tho ni ng’ama ofuwo.

Zaburi 112:10

Joricho koneno kamano, to igi wang’. Ging’icho marach ka gikecho, bang’e gilal nono. Geno ma gin go orumo chuth.

Zaburi 112:3

Joode nobed jomwandu man gi gik mathoth, kendo en owuon nodhi nyime maber nyaka chieng’.

Ngeche 10:22

Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Ngeche 27:4

Mirima kwiny, kendo ketho gik moko. Nyiego to rach moloyo!

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

1 Samuel 18:9

Chakre chieng’no Saulo ne ng’iyo Daudi gi wang’ marach.